पूर्व मंत्री बिहार सरकार सह विधायक बेनीपट्टी (मधुबनी) विनोद नारायण झा सभगोटेकेँ एहि आयोजनमे सहभागी बनय केर निवेदन कयलनि अछि।
वास्तवमे बेनीपट्टी विधायक विनोद नारायण झा’क सौजन्यसँ बेनीपट्टी संसारि पोखरि पर विद्यापति टावर आ उद्यानक उद्घाटन एवं विद्यापति प्रतिमाक अनावरण १८ जून २०२५, बुध दिन अपराह्न ०१ बजे होएत।
एहि आयोजनक संबंधमे विनोद नारायण झा कहलनि, “महाकवि विद्यापति जी’क स्मृतिमे एकटा गौरवशाली पहल ! ई आयोजन केवल प्रतिमा अनावरण नहिं, बल्कि अपन सांस्कृतिक अस्मिता आ मैथिली गौरवक पुनर्स्थापनक संग एकटा नव प्रेरणा अछि। हमर संस्कृति, साहित्य आ मैथिली गौरवक प्रतीक अछि। मिथिलाक सांस्कृतिक पुनर्जागरणक बाट प्रशस्त करत।”
