ट्रम्पक चुनावी अभियानक संचार निदेशक स्टीवन च्यांग मंगल राति कहलनि जे राष्ट्रपति ट्रम्पकेँ हत्याक प्रयासपर आइ भोर राष्ट्रीय खुफिया निदेशालयसँ एकटा जानकारी भेटल।
एकटा मीडिया रिपोर्टमे आइ कहल गेल अछि जे अमेरिकी खुफिया एजेंसीसभ पूर्व राष्ट्रपति डोनाल्ड ट्रम्पकेँ ईरानसँ हुनक जीवनक लेल “वास्तविक आ विशिष्ट” खतराक सूचना देलक अछि जकर उद्देश्य देशमे अराजकता भड़कायब छैक।
ट्रम्पक अभियान संचार निदेशक स्टीवन च्यांग मंगल राति कहलनि जे राष्ट्रपति ट्रम्पकेँ इरानसँ हत्याक प्रयासपर आइ भोर राष्ट्रीय खुफिया निदेशालयसँ एकटा संदेश भेटल। खुफिया अधिकारी लोकनि एहि लगातार आ समन्वित हमलाक पहिचान कयलनि, जे पछिला किछु मासमे बढ़ल अछि। सभ कानून प्रवर्तन एजेंसीसभ डोनाल्ड ट्रम्पक सुरक्षा सुनिश्चित करबाक लेल आ नवम्बरक चुनावमे कोनो प्रकारक हस्तक्षेपसँ बचबाक लेल काज कऽ रहल अछि।
ट्रम्प पर हत्याक पहिल असफल प्रयास १३ जुलाईकेँ पेंसिल्वेनियामे एकटा रैलीक दौरान भेल छल, जखन एकटा गोली हुनक कानसँ होइत चलि गेल छल। दोसर प्रयास १५ सितंबरकेँ फ्लोरिडाक वेस्ट पाम बीचमे ट्रम्प इंटरनेशनल गोल्फ क्लबमे भेल छल।
५८ वर्षीय रायान वेस्ली रूथ, जकरा गोल्फ कोर्सक बाहर बंदूकक सङ्ग देखल गेल छल, पर मङ्गलदिन औपचारिक रूपसँ राष्ट्रपति पदक एकटा प्रमुख उम्मीदवारक हत्याक प्रयासक आरोप लगाओल गेल।
च्यांग कहलनि, “कोनो गलती नहि करू, ईरानक आतंकवादी शासन कमला हैरिसक कमजोरी पसन्द करैत अछि आ राष्ट्रपति ट्रम्पक ताकत आ संकल्पसँ आतंकित अछि। जे ओ अमेरिकी जनताक लेल लड़य आ अमेरिकाकेँ महान बनयबामे कोनो बातकेँ अपन रास्तामे नहिं आबय देताह।
ट्रम्प ५ नवम्बरकेँ राष्ट्रपति चुनावमे डेमोक्रेटिक राष्ट्रपति पदक उम्मीदवार कमला हैरिसक सामना करताह।
