लोकसभा अध्यक्ष ओम बिरला बृहस्पतिदिन कहलनि जे शहरी निकाय लोकतंत्रक आधार अछि आ सोझे जनतासँ जुड़ल अछि। संवाद आ मॉडल प्रथाक माध्यमसँ ओकरा बेसी जवाबदेह आ पारदर्शी बनाबयकेँ जरूरत अछि। सदनकेँ नियमित रूपसँ काज करबाक चाही, एही मुद्दा पर चर्चा हेबाक चाही, जवाबदेही सुनिश्चित हेबाक चाही – इ लोकतंत्रक असली परंपरा अछि, जकरा हमरा सबकेँ विकसित करय पड़त।
लोकसभा अध्यक्ष गुरुग्रामक मानेसरमे शहरी निकायक राष्ट्रीय सम्मेलनक उद्घाटन सत्रकेँ संबोधित कयलनि।
ओम बिरला गुरुग्रामक मानेसरमे शहरी निकायक राष्ट्रीय सम्मेलनक उद्घाटन सत्रकेँ संबोधित कय रहल छलाह। ओ लोकतंत्र आ जवाबदेह शासनकेँ मजबूत करबा लेल संवाद आ मॉडल आचरणक माध्यमसँ शहरी स्थानीय निकायकेँ सशक्त बनेबाक जरूरत पर जोर देलनि। ओ कहलनि जे निकाय प्रतिनिधि सीधा जनतासँ संवाद करैत छथि आ हुनका सबकेँ समस्या आ संकटक बारेमे पहिल जानकारी भेटैत अछि।
ओ कहलनि जे, लोकतांत्रिक संस्थाकेँ उच्च स्तर पर लऽ जेबाक जिम्मेदारी सबहक अछि। शहरी क्षेत्रक एकटा जवाबदेह आ पारदर्शी निकाय प्रणालीकें विकास कयनाई आवश्यक अछि। सदनमे सवाल-जवाब हेबाक चाही, मुद्दा पर चर्चा हेबाक चाही, नियमित रूपसँ बैसार हेबाक चाही। एहि परंपराकेँ विकसित करबाक चाही। संगहि, इ निकायक नीति निर्माण प्रक्रिया आ बजट निर्माणमे बुद्धिजीवी, पर्यावरणविद जेहेन सार्वजनिक हितधारककें शामिल करबाक चाही।
ओ कहलनि जे निकायमे समिति बनेबाक चाही आ संसद जकां काज करबाक चाही। ओ 18म लोकसभामे सकारात्मक परिवर्तन आ सदन चलाबय केर दिशामे सभ दल सहयोग देखौलनि से उल्लेख कयलनि। आब जे बाधा उत्पन्न करैत छथि ओ स्वयं समाजक प्रति उत्तरदायी हेताह। हमरा सबकेँ ईहो ध्यानमे राखि काज करबाक चाही जे भविष्यमे राजनीतिक नेतृत्व केवल शहरी निकायसँ निकलत।
हरियाणाक मुख्यमंत्री नायब सिंह सैनी कहलनि जे, शहरी निकायक जड़ि जतेक मजबूत होयत, राष्ट्र ओतबे मजबूत होयत। ओ कहलनि जे, गुरुग्राम निकाय एकटा विकास मॉडल अछि जे वर्ष 2050 तक 75 लाखक आबादीक लेल तैयार भऽ रहल अछि, निकायकेँ पारदर्शी आ आधुनिक बनेनाइ जरूरी अछि। स्मार्ट सिटी, स्वच्छता आ पर्यावरणकेँ प्राथमिकता देल जा रहल अछि आ प्रधानमंत्रीक विजन शहरक झुग्गी-झोपड़ी मुक्त बनेबाक अछि।
सम्मेलनक बारेमे जनतब दैत लोकसभाक महासचिव उत्पल कुमार सिंह कहलनि जे, एहि आयोजनक प्रेरणा लोकसभा अध्यक्ष ओम बिड़लासँ भेटल अछि। हुनक मानब अछी कि संसदक दोसर निकाय केर रक्षक बनेवाक चाहि। शहरी निकायक लेल राष्ट्रीय सम्मेलनक आयोजन पहिल बेर भऽ रहल अछि।
हरियाणा विधानसभा अध्यक्ष हरविंदर कल्याण कहलनि कि एहि सम्मेलनक उद्देश्य ई बतेंनाई अछि कि शहरी निकाय राष्ट्र निर्माणमे कोना भूमिका निभा सकैत अछि। ई निकाय सबकेँ अपन जिम्मेदारी बुझय केर आ जनताक जरूरतकेँ हिसाबसँ काज करय केर मौका अछि। ई सम्मेलन केर दूरगामी परिणाम होयत आ हरियाणामे एहि दिशामे प्रयास कयल जा रहल अछि।
जनतब जे एहि दू दिनक सम्मेलनक आयोजन 3 सँ 4 जुलाई धरि भऽ रहल अछि। एहिमे देश भरिक नगर निगम, नगर परिषद आ नगरपालिकाक अध्यक्ष भाग लऽ रहल छथि । सम्मेलनमे शहरीकरण, महिला सशक्तिकरण, विकसित भारत 2047 मे योगदान, पारदर्शिता आ नागरिक शासनक पांच उप-विषय पर गहन चर्चा होयत।
