लाठी चार्जक बाद सेहो डाकबंगला चौराह पर उम्मीदवारक जमावड़ा छल। पुलिस बैरिकेड लगा कय रोकने छल आ वाटर कैनन गाडी सेहो बजाओल गेल छल। विरोध करय वला पुरुष आ महिला उम्मीदवार बैरिकेड पर चढ़ि पोस्टर लहराबैत नारा लगा रहल छलथि।
एहिसँ पहिने सड़क पर निकलल भारी संख्यामे छात्र सरकारक खिलाफ नारा लगेलनि। छात्र सब पटना विश्वविद्यालयसँ विरोध प्रदर्शन शुरू कयलनि। कारगिल चौक होइत आगू बढ़लाह। एहि दौरान जेपी गोलम्बर लग हुनका सबकेँ रोकल गेल। कहल जा रहल अछि जे एहि विरोधमे 5000 सँ बेसी उम्मीदवार भाग लेने छलथि।
पटनाक सड़क पर निकलल छात्र सरकारसँ मांग कयलनि की जे टीआरई-4 सँ पहिने एसटीईटीक आयोजन कएल जाए। विरोध करय वला अभ्यर्थीक कहनाय अछि जे पिछला डेढ़ सालसँ एसटीईटीक आयोजन नहिं भऽ रहल अछि, जखनि कि कहल गेल छल जे हर साल दू बेर एसटीईटीक परीक्षा होएत, मुदा ई नहि भऽ रहल अछि। एसटीईटीक संचालन नहि हेबाक कारण तीन लाखसँ बेसि अभ्यर्थी प्रभावित होएत।
