वक्फ कानूनकेँ लऽ कऽ मंगलदिन केन्द्रिय मंत्री किरेन रिजिजू मुंबईमे मुस्लिम समुदायक लोकसँ भेंट कयलनि। केन्द्रिय मंत्री एहि दौरान सबकेँ वक्फ कानूनक बारेमे बिस्तारसँ जनौलनि जे किएक इ कानून देशक गरीब मुसलमानक लेल फायदेमंद साबित होएत।
मुंबईमे आयोजित एहि बैठकमे पैघ संख्यामे मुस्लिम समुदायक लोक भाग लेलनि। केन्द्रिय मंत्री किरेन रिजिजू सोशल मीडिया प्लेटफॉर्म ‘एक्स’ पर पोस्ट कयलनि, “आई मुंबईमे वक्फ सुधार जनजागरण अभियानक तहत आम जनसँ भेंट करबा लेल जा रहल छी। वक्फ (संशोधन) अधिनियम, 2025 केर लऽ कऽ एतय उपस्थित लोक सभक उत्साह अत्यंत सुखद अछि। ई अधिनियम न्याय, पारदर्शिता आ सामाजिक उत्तरदायित्वकेँ सुनिश्चित करैत अछि। मुस्लिम समुदायक गरीब परिवार आ महिलाक विकास लेल ई कदम मीलक पत्थर साबित होएत।”
दोसर दिसि केंद्रीय मंत्री किरेन रिजिजूकेँ सुनलाक बाद मुस्लिम समुदायक किछु लोक एहि कानून पर खुशी जाहिर कएलनि आ पीएम मोदीक आभार व्यक्त कएलनि। हाजी पटेल कहलनि जे आई एतय एकटा बैसार बजायल गेल छल। एहि बैसरमे केंद्रीय मंत्री किरेन रिजिजू वक्फ कानूनक बारेमे हमरा लोकनिकेँ विस्तारसँ जानकारी देलनि। हम मानैत छी जे केंद्रक मोदी सरकार ऐतिहासिक फैसला संग वक्फमे संशोधन कएलक अछि। एहि कानूनसँ वक्फक जमीनक लाभ गरीब मुसलमान लोककेँ भेटत। अखन धरि जे मुसलमान जमीनक कमी कारण सड़क पर रहबाक लेल मजबूर छल। ओ सब वक्फक जमीन पर अपन घर बना सकत। हम एक बेर फेरसँ पीएम मोदी आ केंद्रीय मंत्री किरेन रिजिजूकेँ धन्यवाद देबय चाहैत छी।
सलीम बागवान कहलनि की केंद्रीय मंत्री किरेन रिजिजू वक्फ कानूनक बारेमे बतौलाह। हमरा सबकेँ पूरा विश्वास अछि जे ई कानून गरीब मुस्लिमक हितकेँ ध्यानमे राखि कऽ लाओल गेल अछि। जे लोक एहि कानूनक खिलाफ विरोध कऽ रहल छथि, ओ लोक अखन धरि मुसलमानकेँ मात्र अपन वोट बैंक बुझैत छल। पीएम मोदीक नेतृत्वमे ऐतिहासिक निर्णय लेल गेल अछि। वक्फ कानूनसँ गरीब मुसलमानकेँ घर भेटत, व्यापारक लेल जगह भेटत। हम पीएम मोदीकेँ धन्यवाद देबय चाहैत छी।
