यूक्रेनक राष्ट्रपति वोलोदिमिर ज़ेलेंस्की रूसक संग युद्ध समाप्त करबाक लेल तैयार भऽ गेल छथि। ओ वार्ताक मेज पर आबए लेल सहमत भऽ गेल छथि। जेलेंस्की व्हाइट हाउसमे ट्रम्पक सङ्ग बैसारक क्रममे भेल बहस पर सेहो खेद व्यक्त कयलनि अछि। अमेरिका द्वारा यूक्रेनकेँ देल जायवला सभटा सैन्य सहायता रोकबाक निर्णय लेलाक बाद ज़ेलेंस्कीक रूखमे ई नरमी देखल गेल अछि।
राष्ट्रपति ज़ेलेंस्की एक्स पर शान्ति वार्ताक संबंधमे घोषणा कयलनि। ओ लिखलनि, “हमरामे सँ कियो अंतहीन युद्ध नहि चाहैत अछि। यूक्रेन स्थायी शान्ति अनबाक लेल जल्दीसँ जल्दी वार्ताक मेज पर आबय लेल तैयार अछि। हम आ हमर टीम राष्ट्रपति ट्रम्पक मजबूत नेतृत्वमे शान्ति बहाल करबाक लेल काज करबाक लेल तैयार छी।”
