राजनगर थाना क्षेत्रक रामपट्टी चौकसँ उत्तरमे रातिमे अपराधक योजना बनबैत समय राजनगर थाना पुलिसक गस्ती दल द्वारा दुटा युवक केर हथियारक सँग पकड़ल गेल, जखनि कि दु गोट मोटरसाइकिल पर सबार भs छह युवक भागबामे सफल रहल।
प्राप्त जानकारीक अनुसार राजनगर थाना पुलिसक गस्ती दल भेटल सूचनाक बाद जखनि रामपट्टी दिसि प्रस्थान कयलक तखनि गैस एजेंसी लग दुटा मोटरसाइकिल सँग आठ युवकके एक सँग देखल गेल। पुलिसकेँ देखतहि दू टा बाइक पर सबार भऽ छह युवक भागि गेल। जखन कि सड़क पर ठाढ़ दूटा युवक भागय लागल तखनि पुलिस खिहारीकय पकड़ि लेलक।
पकड़ल गेल दुनू युवकक जखन तलासी लेल गेल तखनि ओकरा लगसँ एकटा देसी कट्टा आ मोबाइल फोन बरामद कयल गेल।
पकड़ल गेल युवक अपन नाम कमलदेव महतो साकिन रामपट्टी आ प्रफ्फुल कुमार उर्फ प्रियांशु साकिन खनगांव बतौलक। जखनि कि भागल युवक सभक नाम ओहि दुनू द्वारा बताओल गेल अरशद अली, इमरान छोटी गौसनगर, शिवम कुमार मंडल रघुबीर चक, ऋषि कुमार पासवान कुसमौल , मो याकूब आ सोनू सिंह कुसमौल बताओल गेल।
एहि सम्बंधित एकटा प्राथमिकी 9/2025 राजनगर थानाकेँ पु अ नि नए लाल प्रसाद द्वारा दर्ज कराओल गेल । आ हथियार सँग पकड़ल गेल दुनू युवककेँ न्यायायिक हिरासतमें जहल पठा देल गेल ।
