अमेरिकी राष्ट्रपति डोनाल्ड ट्रंप धनी विदेशी लेल एगो नव इमिग्रेशन कार्यक्रम शुरू कयलनि, जकर नाम “गोल्ड कार्ड” राखल गेल अछि। एहि योजनाक तहत आवेदक 50 लाख डॉलर (करीब 43 करोड़ भारतीय रूपया) दय अमेरिकाक स्थाई निवासी बनि सकैत छथि।
बहुत दिनसँ चर्चा चलि रहल कार्यक्रम “गोल्ड कार्ड” केर अनावरण एकटा नव सरकारी वेबसाइटक माध्यमसँ कयल गेल। एहि वेबसाइट पर इच्छुक व्यक्ति अपन जानकारी दर्ज कय प्रतीक्षा सूचीमे शामिल भऽ सकैत छथि।
कहल जा रहल अछि जे ई ‘ट्रम्प कार्ड’ पचास लाख डॉलरमे आबि रहल अछि, जखनकि अमेरिकी राष्ट्रपति अपन सोशल मीडिया प्लेटफॉर्म ट्रूथ सोशल पर एगो पोस्टमे कहलनि कि हजारों लोक पूछैत अछि कि दुनिया केर सबसँ पैघ देश आ बाजारमे पहुँचय केर सुंदर तरीका पर कोना साइन अप कय सकय छी।
ट्रंप एहि कार्यक्रमकेँ फास्ट-ट्रैक इमिग्रेशन विकल्पक रूपमे बढ़ावा दऽ रहल छथि, जकर उद्देश्य कुलीन व्यक्तिकेँ आकर्षित केनाइ अछि जे अमेरिकामे रहनाई आ नागरिकता हासिल केनाइ चाहैत अछि।
एकरा मौजूदा ईबी-5 निवेशक वीजा केर अधिक उन्नत विकल्पक रूपमे पेश कयल जा रहल अछि। ट्रंप गोल्ड कार्डकेँ ग्रीन कार्ड विशेषाधिकार प्लस बतेलनि। मुदा एहि घोषणाक चर्चाक बावजूद गोल्ड कार्ड एखनो खरीदबा लेल उपलब्ध नहि अछि। आधिकारिक वेबसाइटक अनुसार, उपयोगकर्ता फिलहाल केवल अपन संपर्क जानकारी दय सकैत छथि, जाहिसँ आवेदन खुजला पर हुनका सूचित कएल जाएत।
ट्रंपकार्ड.जीओवी केरऽ होमपेज पर लिखल गेल संदेशमे कहल गेल अछि एक्सेस खुजैत नीचा देल गेल लिंक पर अपन जानकारी दर्ज करु।
