रूसक रक्षा मंत्रालय बुधदिन यूक्रेन सरकार पर एकटा पैघ आरोप लगैलक। मंत्रालयक दावा अछि की कीव 15 अगस्तकेँ अलास्कामे अमेरिकी राष्ट्रपति डोनाल्ड ट्रंप आ हुनक रूसी समकक्ष व्लादिमीर पुतिनक बीच होबयवला बैसार केर बाधित करबाक योजना बना रहल अछि।
टेलीग्राम पर रूस केर रक्षा मंत्रालय कहलक कि कतेको स्रोतसँ भेटल जानकारीसँ पता चलैत अछि कि कीव सरकार १५ अगस्त २०२५ केँ होबय वला रूस-अमेरिकी वार्ताकेँ विफल करबाक योजना बना रहल अछि।
मंत्रालय कहलक कि एकरा लेल यूक्रेन केर सुरक्षा सेवा विदेशी पत्रकारक एकटा समूह खार्किव केर चुगुएव भेजलक। ई क्षेत्र यूक्रेनक कब्जामे अछि। पत्रकार समूहकेँ ओतय “सीमा क्षेत्रक निवासी पर रिपोर्ट” करय केर बहाने भेजल गेल अछि।
रक्षा मंत्रालय ईहो आरोप लगौलक कि यूक्रेन केर सेना शहर पर हमला कय एकर जिम्मेदारी रूस पर डालत।
रूसक रक्षा मंत्रालय कहलक कि शुक्रदिन शिखर सम्मेलनसँ ठीक पहिने यूक्रेन केर सशस्त्र सेना घन आबादी वला आवासीय क्षेत्र वा अस्पताल पर भड़काऊ हमला करय केर योजना बना रहल अछि, जाहिमे बहुत संख्यामे नागरिक जानमालक नुकसान होयत। विदेशी पश्चिमी पत्रकार तुरंत एकर रिपोर्ट करत।
ओ दावा कयलनि कि यूक्रेन द्वारा नियंत्रित अन्य बस्तीमे उकसावा केर गतिविधि कयल जा सकैत अछि।
ई सभ बात एहेन समयमे भऽ रहल अछि जखनि ट्रंप आ पुतिन केर मुलाकात १५ अगस्तकेँ अलास्कामे होबयवला अछि। जाहिमे रूस-यूक्रेन संघर्ष केर दीर्घकालिक शांतिपूर्ण समाधान पर ध्यान देल गेल अछि।
एहि केर घोषणा करैत ट्रंप ‘ट्रूथ’ सोशल पर पोस्ट करैत लिखलनि की, “हमर आ पुतिनक बीच बहुप्रतीक्षित मुलाकात अगिला शुक्रदिन, १५ अगस्त २०२५ केँ ग्रेट स्टेट ऑफ अलास्कामे होयत। आओर विवरण बादमे देल जायत।”
रूसक राष्ट्रपति-सहायक यूरी उशाकोव शनिदिन कहलनि कि आबयवला अलास्का शिखर सम्मेलनक बाद मॉस्कोकेँ उम्मीद अछि कि पुतिन आ ट्रंपक बीच अगिला मुलाकात रूसमे होयत।
