कांग्रेस सांसद राहुल गांधी प्रधानमंत्री नरेंद्र मोदी पर कड़ा हमला कय दावा कयलनि कि अमेरिकी राष्ट्रपति डोनाल्ड ट्रंप संभावित व्यापारिक सौदाक माध्यमसँ भारत केर प्रधानमंत्री पर दबाव डालय केर कोशिश करत।
राहुल गांधी कहलनि जे, प्रधानमंत्री ट्रंपक नाम नहि लेलनि, की भेल अछिसे सबके पता अछि, मुदा प्रधानमंत्री किछु नहि कहि पाबि रहल छथि, जौं ओ सच कहताह तँ ट्रंप खुलि कय बयान देताह आ पूरा सच्चाईकेँ सामने रखताह। ताहि लेल प्रधानमंत्री चुप छथि।
ओ आगू कहलनि कि ट्रंप एकटा बातकेँ बार-बार दोहराबैत छथि ताकि भविष्यमे व्यापारिक सौदामे भारतकेँ झुका सकय। “अहाँ देखब जे आगामी व्यापारिक सौदामे की शर्त अछि। ट्रंप एहि मुद्दाकेँ अपन फायदा लेल उपयोग करताह।”
एहि मुद्दा पर कांग्रेस महासचिव प्रियंका गांधी वाड्रा आरोप लगौलनि जे प्रधानमंत्री आ विदेश मंत्री दुनू टाल-मटोल तरीकासँ बात कयलनि। हुनका सबकेँ सीधा कहय केर चाही जे अमेरिकी राष्ट्रपति डोनाल्ड ट्रंप झूठ बाजि रहल छथि।
हालांकि जयशंकर जोर दैत कहलनि जे सीज फायरसँ व्यापारक कोनो संबंध नहि अछि। ओ इहो कहलनि जे 22 अप्रैलसँ 16 जूनक बीच पीएम मोदी आओर ट्रंपक बीच कोनो फोन पर बातचीत नहि भेल छल।
पीएम मोदी मंगलदिन लोकसभामे इहो कहलनि जे विश्वक कोनो नेता ऑपरेशन सिन्दूरकेँ रोकय लेल नहि कहलक।
दोसर दिसि राष्ट्रपति ट्रंप बेर-बेर दावा कय रहल छथि कि हुनक प्रयासक वजहसँ भारत आ पाकिस्तानक बीच युद्धविराम संभव भेल। ई दावा ओ कतेको बेर अलग-अलग प्लेटफॉर्म पर कयने छथि। मुदा भारत ई कहि रहल अछि कि भारत आ पाकिस्तानक बीच युद्धविराममे कोनो थर्ड पार्टीक भूमिका नहि छल।
