शिक्षा मंत्री सुनील कुमार डोमिसाइल लागू करबा लेल मुख्यमंत्री नीतीश कुमारकेँ धन्यवाद देलनि आ ओ बिहारमे टीआरई 4 केर तहत होबय वला नियुक्तिक जानकारी देलनि।
शिक्षा मंत्री सुनील कुमार बुधदिन कहलनि जे, जल्दिये टीआरई 4 केर तहत होबयवला नियुक्तिक जानकारी बीपीएससीकेँ भेजल जायत। ओ बिहारमे डोमिसाइल लागू करबा लेल मुख्यमंत्री नीतीश कुमारकेँ धन्यवाद देलनि। संगहि ओ कहलनि जे आब चारिम चरणक तहत शिक्षक बहालीमे 86-87 प्रतिशत अभ्यर्थी बिहारक होयत।
शिक्षा मंत्री कहलमि जे डोमिसाइलक तहत बिहारक शैक्षणिक संस्थानसँ पास मैट्रिक आ इंटरमीडिएटक छात्रकेँ शिक्षा विभागमे नौकरी देबामे प्राथमिकता भेटत। कुल मिला कय शिक्षकक नियुक्तिमे बिहारक मूल निवासीक लेल 85% सँ बेसी सीट बिहारक जनता लेल आरक्षित भऽ गेल अछि।
दरअसल, शिक्षा विभागक सेवा शर्त नियम 2025 केर तहत कयल गेल प्रावधानक अनुसार स्कूल शिक्षकक पदक 40% रिक्ति बिहारक अभ्यर्थी लेल आरक्षित होएत, जे बिहारमे मैट्रिक आ इंटरमीडिएट पास कयने छथि।
बता दी जे बिहारमे डोमिसाइल लागू भेलासँ बिहारक छात्रकेँ राहत भेटल अछि, मुदा इ शिक्षा व्यवस्थामे व्यापक सुधार प्रक्रियाक एकटा हिस्सा मात्र अछि। भर्ती प्रक्रियाक पारदर्शिता, पाठ्यक्रमक गुणवत्ता आ प्रशिक्षण प्रणाली जेहेन पहलू पर सेहो बराबर ध्यान देनाई जरूरी अछि। खास कय पेपर लीक छात्रक लेल सबसँ पैघ समस्या अछि।
