नीतीश कुमार 01 अन्ने मार्गसॅं पुलिस यातायात एवं यातायात थानाक उप अधीक्षकक लेल 71 पुलिस वाहनक उद्घाटन कयलनि आ संगहि आनंदपुरी नाला निर्माण योजनाकें शिलान्यास केलनि।
सीएम नीतीश कुमार शनिदिन पुलिस यातायात आ यातायात थानाक उप अधीक्षकक लेल 71 पुलिस गाड़ीकें झंडा देखा रवाना कयलनि आ एकर बाद नीतीश कुमार आयोजन स्थल सॅं 91.27 करोड़क लागतसॅं पटनाक राजापुर पुलक समीप बनल आनंदपुरी नाला निर्माण योजनाक शिलान्यास कयलनि।
एहि दौरान ओ कहलनि जे इ नव पुलिस वाहन राष्ट्रीय राजमार्ग, राज्य राजमार्ग आ विभिन्न जिलासॅं जुड़ल शहरमे यातायात नियंत्रण आ सुरक्षा व्यवस्थाकें मजबूत करबामे मदद करत।
पुलिस वाहनक उद्घाटनसॅं पहिने मुख्यमंत्री एकर निरीक्षण कयलनि आ अधिकारीसॅं ओकर कामकाजी व्यवस्थाक जानकारी लेलनि। एहि दौरान ओ कहलनि, “सड़क सुरक्षा आ यातायात प्रबंधन बेहतर होयत। एकर संग कानून व्यवस्थाकें कायम रखबामे बेसी सुविधा होएत। एहिसॅं राज्यक विभिन्न जिलामे यातायात व्यवस्था आओर मजबूत होएत। एकर संग-संग सड़क सुरक्षा आ यातायात प्रबंधन सेहो बेहतर होएत।”
नीतीश कुमार आशियाना दीघा रोडक राजीव नगर लग कार्यक्रम स्थलसॅं 181 करोड़ रुपया लागत वला कुर्जी नाला निर्माण योजनाक निरीक्षण सेहो कयलनि। एहि दौरान सीएम कहलनि जे एहि नाला निर्माण योजनाक तहत नालीकें पक्का कय ओकर ऊपरसॅं सड़क बनाओल जाएत। ओ अधिकारीकें एहि काजकें शीघ्रतासॅं पूरा करबाक निर्देश देलनि।
कार्यक्रमक शुरुआतमे पुलिस महानिदेशक विनय कुमार मुख्यमंत्रीकें हरियर पौधा भेंट कय स्वागत कयलनि। एहि अवसर पर उपमुख्यमंत्री सम्राट चौधरी, उपमुख्यमंत्री विजय कुमार सिन्हा, जल संसाधन सह संसदीय मामिला मंत्री विजय कुमार चौधरी, मुख्यमंत्रीक मुख्य सचिव दीपक कुमार, मुख्य सचिव अमृतलाल मीना, पुलिस महानिदेशक विनय कुमार सहित अन्य वरिष्ठ अधिकारी उपस्थित छलथि।
