विद्यालय ततपरता कार्यक्रमक अंतर्गत राजनगर प्रखंडक सभ प्राथमिक विद्यालयकेँ एक एकटा शिक्षककेँ एक दिवसीय गैर आवासीय प्रशिक्षण देल गेल। ‘चहक नामक एहि प्रशिक्षणमे सभ प्राथमिक विद्यालयक पहिला वर्गक बच्चा सभकेँ पढ़ोनिहार शिक्षककेँ एक-एक दिनक प्रशिक्षण देल गेल। एहि प्रशिक्षणमे शिक्षक लोकनिकेँ बताओल गेल जे पहिला वर्गक बच्चा सभकेँ कोना पढाई दिस आकर्षित कयल जा सकैत अछि। छोटका नेना सभकेँ खेल खेलमे कोना पढ़ा सकैत छी। ई प्रशिक्षण तीन दिन धरि चलल। पच्चास-पच्चास टा शिक्षकक समूहक तीन दिन धरि चलल प्रशिक्षण सम्पन्न भ गेल। एहि प्रशिक्षणक प्रशिक्षक छलाह नंदन कुमार आ पवन कुमार ठाकुर।
