मुजफ्फरपुर केर गायघाटमे ई-रिक्शामे अचानक आगि लगि गेल। एहि घटनामे एकटा महिलाक मृत्यु भ’ गेल आ अन्य लोक गंभीर रूपसँ जरि गेल। दुर्घटनामे घायल दू लोकक उपचार एसकेएमसीएचमे भ’ रहल अछि।
मुजफ्फरपुरमे ई-रिक्शामे आगि लागल, एकटा महिलाक मृत्यु भेल। दुर्घटनामे दू लोक गंभीर रूपसँ घायल भेल, एसकेएमसीएचमे उपचार जारी अछि। ई-रिक्शामे आगि लगलासँ कुल 7 टा लोक एक्कहि परिवारक प्रभावित।
मुजफ्फरपुर जिला केर गायघाट थाना क्षेत्रमें बृहस्पतिकेँ ई दुखद दुर्घटना भेल, बेरुआ एनएच लग एकटा ई-रिक्शामे अचानक आगि लगि गेल। एहि भीषण दुर्घटनामें एकटा महिला जरि कऽ मौके पर मृत्यु भ’ गेल, जखनकि अन्य लोक गंभीर रूपसँ जरि गेल छथि।
प्राप्त जानकारीक अनुसार, ई-रिक्शामे कुल 7 लोक सवार छल, जे एक्कहि परिवारक बताओल जा रहल अछि। मृतकक पहिचान कमरुल खातून केर रूपमे भेल अछि। दुर्घटनामें घायल दू लोकक हालत बहुत गंभीर अछि आ हुनक उपचार SKMC हॉस्पिटल में भ’ रहल अछि।
ओतय मौजूद लोकक अनुसार, ई-रिक्शामे अचानक धुआं उठऽ लागल आ देखिते-देखिते आगिक लपट भड़कि उठल। चालक आ अन्य यात्री लोकनि भागि कऽ जान बचाबऽ केर प्रयास कयलक, मुदा आगि एतेख तेजसँ पसरल जे कमरुल खातून ओहिमे फँसि गैलथि आ हुनक मौके पर मृत्यु भऽ गेल। स्थानीय लोक आगि बुझाबऽ केर प्रयास कयलक, मुदा ताधरि काफ़ी देर भ’ गेल छल। बताओल जा रहल अछि जे ई सब मुजफ्फरपुरक दिसिसँ मधुबनी जा रहल छलथि, तखनहिं गायघाट थाना क्षेत्रक बेरुआमे राज होटलक सामने अचानक आग लगि गेल, जाहि कारण 50 वर्षीय कमरुल खातूनक जरि कऽ मौके पर मृत्यु भऽ गेल।
