अशोक चौधरी कहलनि जे सीमावर्ती मिथिला क्षेत्र मुस्लिम बहुल अछि आ हमर सभक सेहो नीक पैठ अछि। विपक्ष हुनका (मुसलमान) हमर सभक खिलाफ करए केर कोशिश कए रहल अछि।
रविकेँ किशनगंजक लहरा चौक मैदानमे “वक्फ संरक्षण आन्दोलन”क नेतृत्वमे वक्फ संशोधन अधिनियम २०२५ केर विरोधमे एकटा विशाल जनसभाक आयोजन कयल गेल। एहि बैसारमे क्षेत्रक सभ प्रमुख मिल्ली सङ्गठन आ विपक्षक प्रमुख राजनीतिक दल संयुक्त रूपसँ भाग लेलक। जदयू मंत्री अशोक चौधरी एहि जनसभा पर प्रतिक्रिया देलनि अछि, ओ कहलनि जे ई अल्पसंख्यक पर निर्भर करैत अछि जे ओ केकरा संग रहय चाहैत छथि। ओ अपन बयानमे राजद पर सेहो निशाना साधलनि।
जदयू नेता अशोक चौधरी कहलनि, ” ई अल्पसंख्यककेँ तय करय पड़त जे ओ केकरा संग रहय चाहैत छथि। पछिला सरकारक संग, जे चरवाहा विद्यालय आ लाठी-घुमावन तेल पिलावनक अवधारणा अनैत छल वा हमर नेताक संग जे आईआईटी, बीआईटी आ पॉलिटेक्निक केर बात करैत छथि। ओ कहलनि जे वक्फ मुस्लिम विरोधी नहिं अछि।
मंत्री अशोक चौधरी कहलनि जे सीमावर्ती मिथिला क्षेत्र मुसलिम बहुल अछि आ हमर सबहक सेहो नीक पैठ अछि। विपक्ष ओहि (मुसलिम) केँ हमरा खिलाफ करबाक प्रयास कऽ रहल अछि, मुदा ओहि ठामक लोकसँ कहय चाहब जे ओ निर्णय करथि जे के काज कयलक ? की बिहारक मुसलिम सीएम एतेक काज कयलन्हि जतेक नीतीश कुमार कयलन्हि अति ? जनताकेँ देखय पड़त जे आहाँ 21म सदीक बिहारमे जाय चाहैत छी आ कि पाछाँ।
वास्तवमे बिहारक धार्मिक मुसलिम संगठन आ स्वयं (जेडीयू) केर कतेको नेता सीएम नीतीशसँ नाराज छथि, कारण ओ वक्फ कानून पर केंद्र सरकार केर सहयोग कयलन्हि अछि। जेडीयू ई बुझाबय केर प्रयासमे अछि जे ई कानून मुसलिम विरोधी नहि अछि, मुदा मुसलमान ई कानून केर वापस लेबाक माँग पर अड़ल अछि।
रविवारकेँ किशनगंजक जनसभामे हजारों संख्यामे आम लोकनि भाग लेलन्हि आ वक्फ कानूनमे संशोधनक खिलाफ अपन जोरदार विरोध दर्ज कयलन्हि।
