चंदन मिश्रक हत्या लऽ कऽ पप्पू यादव नीतीश कुमारकें निशाना बनेने छलाह। एकर बाद हुनका धमकी भरल फोन आयल जे एहि मामिलामे शामिल नहि होउ।
पटनाक पारस अस्पतालमे दिनमे आईसीयू वार्डक अंदर चंदन मिश्र केर गोली मारि हत्याक बाद पुलिस आ सरकार पर लगातार हमला भऽ रहल अछि। पुलिसकेँ आशंका अछि जे चंदन मिश्रक हत्या केर पाछु शेरू सिंह भऽ सकैत अछि। आब शेरू सिंह सांसद पप्पू यादवकें सेहो धमकी देने अछि जे एहि मामिलामे शामिल नहि होय।
पप्पू यादव शुक्रदिन मीडियाक सामने दावा कयलनि जे शेरू सिंह हुनका धमकी देबय वाला फोन कयलनि। ओ कहलनि जे, हुनका एहि मामिलासॅं दूर रहबाक धमकी सेहो देल गेल अछि। पप्पू यादव कहलनि जे, “चंदन मिश्रक हत्याक तुरंत बाद हुनका फोन आयल जे फोन कथित तौर पर कुख्यात अपराधी शेरू सिंहकेँ तरफसँ छल। फोन करय वाला व्यक्ति स्पष्ट रूपसॅं कहलनि जे, ‘आरा केर शेरू सिंह हत्या करा देलक। पप्पू यादवकें कहि दियौ जे एहि हत्यामे शामिल नहि होउ।”
दरअसल बिहारक पूर्णियासॅं निर्दलीय सांसद पप्पू यादव शुक्रदिन नीतीश सरकारकेँ निशाना बनेलनि। चंदन मिश्रक हत्याक जिक्र करैत ओ कहलनि जे, किछु नहि होबय बला अछि, सब नेता एक वा दोसर अधिकारीक संग गठबंधनमे छथि। ओ कहलनि जे एहि ठाम एक दिनमे तीन दर्जनसॅं बेसी अपराध होइत अछि।
चंदन मिश्रक हत्या पर यादव कहलनि जे, “अहाँ ई बात फिल्ममे देखने होयब, भोरे 9 बजे कियो बाहर निकलि फिल्मी स्टाइलमे शूटिंग करैत अछि। ई की अछि? की दुनिया केर कोनो निवेशक एतय आओत? की कियो अपन बच्चाकें वापस आबय देत ?”
पप्पू यादव दावा कयलनि जे, “हमर नेता राहुल गांधी बिहारकेँ ‘अपराधक राजधानी’ कहने छथि। कांग्रेस प्रभारी एकरा ‘गुंडाराज’ कहने छथि। एक दिनमे तीन दर्जनसॅं बेसी अपराध होइत अछि। शुरूसॅं नीतीश कुमारक तथाकथित ‘सुशासन’ ‘प्रॉक्सी वॉर’ केर माध्यमसॅं चलि रहल अछि।” आब।” नीतीशक मानसिक हालत एकदम खराब भऽ गेल अछि।
