कांग्रेसक वरिष्ठ नेता आ लोकसभामे विपक्षक नेता राहुल गांधी एक बेर फेर अमेरिका दौरा पर छथि। एहि यात्रा पर बिहार भारतीय जनता पार्टी (भाजपा) एनआरआई सेलक संयोजक मनीष सिन्हा प्रतिक्रिया दैत सलाह देलनि अछि। सीन्हा राहुल गांधीसँ अपील कयलनि अछि जे ओ विदेशी धरती पर भारतक छविकेँ धूमिल नहि करथि।
मनीष सिन्हा कहलन्हि, “हम समस्त प्रवासी भारतीय आ देशवासीक तरफसँ राहुल गांधीसँ आग्रह करैत छी जे ओ अपन राजनीतिक विफलतासभक निराशाकेँ विदेशी मंचसभ पर भारत विरोधी टिप्पणीसभमे नहि बदलथि। पूर्वमे सेहो राहुल गांधी विदेशी दौराक दौरान भारतक संस्कृति, समाज आ लोकतंत्र केर संबंधमे कतेको द्वेषपूर्ण टिप्पणी कएलन्हि, जकरा संग करोड़ों भारतीयक भावना आहत भेल छल।”
सीन्हा आगू कहलन्हि जे भारतक राजनीति केर स्तर देशक भीतर तय हेबाक चाही, नहिकि विदेशी मंचसभ पर। ओ कहलन्हि, “एहि बेर विदेशक धरती पर भारतक अपमान नहि, सम्मान होय। मातृभूमि राजनीति केर माध्यम नहि, गर्वक प्रतीक अछि – कृपया एकर मान राखैथ।”
ओ इहो कहलनि कि राहुल गांधी अहम् मौका पर विदेशी यात्रा पर जाइत रहैत छथि। सही अर्थमे कांग्रेस केर एखनि पार्ट टाइम राजनीति, फुल टाइम पर्यटनवाला नेताक जरूरत नहि अछि। कांग्रेस केर आइ फुल टाइम राजनीति करयवाला नेता केर जरूरत अछि। राहुल गांधी अमेरिकी थिंक टैंक, प्रवासी भारतीय समाज आ छात्र समूह सभ संग संवाद करताह। हुनकर एहि दौरामे भारतक राजनीतिक स्थिति, लोकतंत्रक दशा आ मानवाधिकार जकाँ मुद्दा उठबाक संभावना अछि।
