कांग्रेस प्रभारी कृष्णा अल्लावारु महागठबंधनक सीएम फेसके बारेमे कहलनि कि सीएम केर फेस अहाँक दिमागमे फाइनल नहिं होयत आ हमरा माइंडमे कोनो संदेह नहि अछि।
बिहार महागठबंधनमे सीएम फेसक संबंधमे चित्र एखनि धरि स्पष्ट नहिं अछि। एक दिसि आरजेडी तेजस्वी तेजस्वीकेँ महागठबंधनक मुख्यमंत्रीक उम्मीदवारक रूपमे बाताबैत अछी आ दोसर दिसि कांग्रेस तेजस्वीक नाम पर सहमत नहिं लगैत अछि। एकरा बेसी सीटक लेल दबाव राजनीतिक रूपमे सेहो देखल जा रहल अछि।
कृष्णा अल्लावारूकेँ बिहार कांग्रेससँ महागठबंधनक फेसक बारेमे पूछल गेल। हुनकर बयानसँ एक बेर फेर भ्रम उत्पन्न भऽ गेल अछि। ओ कहलनि, सीएम केर फेस अहाँक दिमागमे फाइनल नहिं होयत आ हमरा माइंडमे कोनो संदेह नहिं अछि। एहि दौरान ओ ककरो नाम नहि लेलनि। हुनक बयानसँ फेर भ्रमक स्थिति पैदा भऽ गेल अछी, जँ हुनक इशारा तेजस्वी दिसि छल तऽ ओ हुनकर नाम सीधा कियैक नहिं लेलनि ?
ओ आगू कहलनि जे आगामी चुनावमे इंडिया एलायंस एकजुट होयत आ सभ 243 असेंबली सीट पर दृढ़तापूर्वक लड़त। कांग्रेस फैसला कयलक अछि जे गठबंधनक सभ उम्मीदवारकेँ अपन उम्मीदवारक रूपमे
अभियान चलाओत आ समर्थन करत। ओ कहलनि जे, सीटक संबंधमे समन्वयसँ जल्दिये निर्णय लेल जायत।
एकर संग नितिश सरकार द्वारा हालमे गठित आयोगक सवाल पर अल्लावरु कहलनि कि सरकार जनता लेल काज नहि कय रहल अछि बल्कि किछु पूंजीपति, किछु नेता, किछु ठेकेदार आ किछु अधिकारी केर परिवार लेल। आब जनताकेँ अपन हितक लेल काज करय वाला सरकार लऽ कऽ आबय केर चाही आओर ओ सरकार महागठबंधनक होएत।
