केन्द्र सरकार पहलगाम आतंकी हमलाक बाद पाकिस्तानी नागरिकक 14 श्रेणी केर वीजा रद्द कऽ देलक अछि, जाहिमे व्यापार, सम्मेलन, आगंतुक आ तीर्थयात्री शामिल अछि। बिहार सरकार शुक्रदिन संबंधित अधिकारीकेँ ई सुनिश्चित करबाक निर्देश देलक अछि जे कोनो पाकिस्तानी नागरिक केन्द्र द्वारा निर्धारित समय सीमाक बाद राज्यमे नहि रहय। ई निर्देश केंद्रीय गृहमंत्री अमित शाह द्वारा सभ राज्यक मुख्यमंत्रीकेँ फोन करबाक बाद आयल अछि, गृहमंत्री सभसँ ई सुनिश्चित करबाक कहलनि जे कोनो पाकिस्तानी देश छोड़बाक निर्धारित समय सीमासँ अधिक भारतमे नहि रहय।
सरकार द्वारा पहलगाममे भेल आतंकी हमलाक बाद पाकिस्तानी नागरिक सभकेँ देल गेल 14 श्रेणीक वीजा रद्द कएल गेल अछि। एही वीजाक समयसीमा अधिकतम 29 अप्रैलकेँ समाप्त होईत अछि। ‘पटनामे रहय वाली कतेको पाकिस्तानी महिला अछि’
राज्य सरकार द्वारा जारी एकटा बयानमे कहल गेल, “पहलगाम आतंकवादी हमलाक मद्देनजर पाकिस्तानी नागरिकक हेतु वीजा सेवा तात्कालिक प्रभावसँ निलंबित करबाक केंद्रीय सरकार द्वारा कएल गेल निर्णयक संग, राज्य गृह विभाग द्वारा जिला मजिस्ट्रेट/एसएसपी/एसपी सहित जिलाक सभ संबंधित अधिकारी सभकेँ ई सुनिश्चित करबाक निर्देश देल गेल अछि जे केंद्रक निर्णयकेँ प्रभावी ढंगसँ लागू कएल जाए।
पटना पुलिस एकटा बयानमे कहलक कि शहरमे रहय वाली सभ पाकिस्तानी महिला अछि। पुलिस कहलक, “24 पाकिस्तानी महिला एलटीवी (दीर्घकालिक वीजा) पर रहि रहल अछि, जखनकि तीन लोक भारतीय नागरिकता लय लेल अपन पासपोर्ट सौंपि देने अछि। पटना पुलिस एकटा पाकिस्तानी महिलाक खिलाफ मामिला दायर कएलक अछि, जकरा खिलाफ एतय मुकदमा चलि रहल अछि।
देल गेल समूह तीर्थयात्री वीजाकेँ 27 अप्रैल धरि देश छोड़ि देनाय होएत। एहि केर अलावा जकरा लग मेडिकल वीजा अछि, ओकरो 29 अप्रैल तक देश छोड़ि देबय पडत। गृह मंत्रालय केर तरफसँ कहल गेल अछि जे कोनो पाकिस्तानी नागरिककेँ नव वीजा जारी नहि कएल जायत।
बिहार सरकारक गृह विभाग द्वारा 16 प्रकारक वीजा लिस्ट जारी कयल गेल अछि जाहि अनुसार सभ जिलाधिकारीकेँ निर्देश देल गेल अछि जाहिमे 2 प्रकारक वीजा रद्द नहि होयत, ओहि संगहि चिकित्सा वीजाकेँ बिहार सरकार द्वारा 2 दिनक राहत देल गेल अछि। बचल 13 प्रकारक वीजा प्राप्त पाकिस्तानी वीजा 27 अप्रैल धरि निरस्त कयल जएबाकेँ निर्देश देल गेल अछि। बिहार सरकारक गृह विभाग द्वारा जारी कएल गेल लिस्टक अनुसार, पाकिस्तानी नागरिक सभकेँ जारी कएल गेल समस्त वैध वीजामे भारतीय मूलक ओ महिला जे पाकिस्तानक नागरिकता राखैत अछि, जे एही देशक पुरुष संग विवाह कएलक अछि आओर तकरा बाद विधवा भ’ जाएबाक बाद तलाक़क स्थितिमे लॉन्ग टर्म वीजाक माध्यमसँ भारत रहैत छथि, जकरा दीर्घकालिक वीजा कहल जायत अछि, ओकरा आ अन्य आधिकारिक वीजाकेँ रद्द नहि करबाक निर्देश देल गेल अछि। एकर अलावे, जे पाकिस्तानी नागरिक इलाजक लेल बिहारमे अछि, हुनका 2 दिनक राहत भेटल अछि। हुनकर चिकित्सा वीजा 29 अप्रैल 2025 धरि वैध रहत।
