जदयू सांसद संजय कुमार झा, जे आतंकवादक विरुद्ध भारतक वैश्विक पहुँचकेँ तहत जापान आ अन्य पूर्वी एशियाई देशक लेल एक बहु-पार्टी प्रतिनिधिमंडलक नेतृत्व कय रहल छथि, ओ शुक्रदिन जापानमे कहलनि “आई हम बहुत जापानी संसद सदस्य (जापानक नेशनल डाइटक सदस्य) सँ भेंट कयलहुँ आ सभ हमरा आतंकवादक संग्राममे समर्थन दऽ रहल छथि। हम हुनका सबकेँ पाकिस्तानीक जनरल सभक केतेको तस्वीर देखेलौं जे आतंकवादीक अंतिम संस्कारमे भाग लेलक। पाकिस्तान आब पूर्ण रूपेँ बेपर्दा भेल अछि, ओकर ‘पीड़ित कार्ड’ आब बेपर्दा अछि, दुनियाभरिक लोक पाकिस्तानक आतंकवादकेँ समझैत अछि। हम हुनका पाकिस्तानी सेनाक प्रमुखक बयानक बारेमे कहलियैन।
ओ कहलनि कि पाकिस्तानक आतंकवाद पीड़ितक रूपमे प्रस्तुतिकरण आब विश्वसनीय नहि अछि। “संसार पाकिस्तानक वास्तविक भूमिका केर बारेमे बुझय लागल अछि। हम ओहिठाम पाकिस्तानक सेना प्रमुखकक हालक विवादास्पद टिप्पणीक बारेमे जनतब देलहुँ।
जापानमे भारतीय दूतावास एकटा पोस्टमे अंकित कएलक, “भारतसँ सभ पार्टी केर प्रतिनिधिमंडल जापान-भारत संसदीय मित्रता लीगसँ बातचीत कएलनि, जकर अध्यक्षता श्री यासुतोषी निशिमुरा कएलनि। भारतक आतंकवादक प्रति जीरो-टॉलरेंस स्थितिकेँ पुष्टि कएल गेल। लीग भारतक सीमा-पार आतंकवादक विपक्षमे मजबूत समर्थन व्यक्त कएलक।”
टोक्योमे एकटा आउटरीच कार्यक्रममे झा भारतक जीरो-टॉलरेंस दृष्टिकोणकेँ दोहरौलनि आ कहलनि जे आतंकवादी आ आश्रय देनिहार राष्ट्र सभक बीच किछु भेद नहि कएल जायत।
झा ओतय घोषणा कयलनि “भारत, जापानक संग, आतंकवादक खिलाफ मजगूतीसँ ठाढ़ अछि। हम न्यूक्लियर ब्लैकमेलकेँ स्वीकार नहि करब आ कोनो आगुक आतंकवादी हमलाकेँ निर्णायक सैन्य शक्तिक संग जवाब देल जायत। ओ जोर दैत कहलनि जे आतंकवादक खिलाफ लड़ाई एकटा वैश्विक जिम्मेदारी अछि, मात्र भारतेक नहि। ओ जापानक रणनीतिक आ लोकतांत्रिक साझेदारक भूमिका पर प्रकाश डाललनि, जे लोकतंत्र आ प्रेसक स्वतंत्रता जेहन साझा मूल्यसँ बंधल अछि। झा जापानी नेता सभ द्वारा देखायल समर्थनक प्रशंसा कएलनि, जाहिमे विदेश मंत्री, पूर्व प्रधानमंत्री, आ जापानी संसदक स्पीकर उपस्थित छलथि जे जम्मू आ कश्मीरमे हालक आतंकवादी हमलाक जोरदार निंदा कएलनि।
प्रतिनिधिमंडल जापानक पूर्व रक्षा मंत्री मिनोरु किहारा आ शिनाको त्सुचिया, अंतर्राष्ट्रीय ब्यूरोक महानिदेशक, लिबरल डेमोक्रेटिक पार्टीसँ सेहो भेंट कयलनि, जतय भारतीय प्रतिनिधि मंडल आतंकवादक हर रूपसँ मुकाबला करबा लेल अपन अडिग प्रतिबद्धताकेँ दोहरौलनि।
