दरभंगाक व्यवहार न्यायालयमे आत्मसमर्पण कयलाक बाद कथित रूपसँ जमानत लेबाक आरोपमे पुलिस दूटा युवककेँ गिरफ्तार कयलक अछि। गिरफ्तार युवकक पहिचान एपीएम थाना क्षेत्रक पवन यादव आ अजय यादवक रूपमे भेल अछि।
लहेरियासराय थानाक पुलिस दुनूकेँ गिरफ्तार कऽ पूछताछ कऽ रहल अछि। संगहि सही आरोपी राजा लाल यादव आ विजय यादवके गिरफ्तारीक लेल छापा मारल जा रहल अछि।
कहल जाइत अछि जे एपीएम पुलिस स्टेशनमे दर्ज प्राथमिकी २१०/२३ मे सिरनिया गामक निवासी स्वर्गीय मोहम्मद अब्बासक पत्नी हुश्न आरा गामक छ लोकक विरुद्ध हमलाक प्राथमिकी दर्ज कयने छल। एहि मामिलाक दूटा आरोपी विजय यादव आ राजा लाल यादवक बदलामे अजय यादव आ पवन यादवकेँ बृहस्पति दिन अदालतमे जमानत देल गेल। जहिना सूचना भेटल, मोहम्मद रिजवान धोखाधड़ीक बारेमे अदालतकेँ सूचित कयलनि जे दोसर व्यक्ति अभियुक्तक बदलामे आत्मसमर्पण कऽ जमानत लेलक अछि। एकरा बाद हड़कम्प मचल। लहेरियासराय थानाक पुलिस दुनूकेँ गिरफ्तार कऽ लेलक अछि।
लहेरियासराय थानाक प्रभारी दीपक कुमार बतौलनि जे अदालतक निर्देश पर आरोपी पवन यादव आ अजय यादवकेँ गिरफ्तार कऽ लेल गेल अछि। पूरा सिंडिकेटके बारेमे जानकारी सेहो एकत्र कैल जा रहल अछि। कोर्टक निर्देश पर आरोपी राजा लाल यादव आ विजय यादके गिरफ्तारीके लेल एपीएम पुलिस स्टेशनके जानकारी देल गेल अछि। गिरफ्तार कयल गेल दुनू अभियुक्तक आपराधिक इतिहासक सेहो जाँच कयल जा रहल अछि।
