कांग्रेस पार्टी जनगणना आ जातिगत जनगणनाकेँ विषय उठौलक। कांग्रेस पार्टीक अध्यक्ष आ राज्यसभा सांसद मल्लिकार्जुन खड़गे मंगलदिन राज्यसभामे एहि विषय पर अपन बात रखलनि। ओ सरकार पर निशाना साधैत कहलनि कि सरकार जनगणना आ जातिगत जनगणना जेहन महत्वपूर्ण विषय पर चुप्पी साधने अछि। खड़गे कहलनि कि विश्व युद्ध आ भारत-पाकिस्तान युद्धक दौरान सेहो जनगणना काज पूरा कएल गेल छल, मुदा आई एहिमे विलंब भऽ रहल अछि।
ओ राज्यसभाकेँ बतौलनि जे कोरोना महामारीक बावजूद दुनियाक 81 प्रतिशत देश जनगणना केर काज पूरा कएने अछि। मुदा भारतमे जनगणनामे रिकॉर्ड देरी भेल अछि।
राज्यसभामे नेता प्रतिपक्ष मल्लिकार्जुन खड़गे कहलनि जे भारतमे प्रत्येक 10 सालमे भ’ रहल जनगणना पहिल बेर वर्ष 1881मे शुरू भ’ गेल छल। ओ राज्यसभामे कहलनि जे अनेक विपरीत आ आपात परिस्थिति, जाहिमे युद्ध आ दोसर संकट सेहो शामिल अछि, ताहि कालमे पर्यंत जनगणनाक काज जारी रहल। ओ कहला जे वर्ष 1931क जनगणना 26 जनवरी 1931क दिन शुरू भेल छल। ई जनगणना ताहि समय तक एक वर्ष धरि चलल। ओहि दौरान जातिगत जनगणना सेहो भेल छल। खड़गे राज्यसभामे कहलनि जे एहि दौरान महात्मा गांधी कहने छलाह जे जेना हमरा अपन शरीरक समय समय पर मेडिकल एग्जामिनेशन करब जरूरी अछि, ठीक ओहिना कोनो राष्ट्रक जनगणना, राष्ट्रक सबसँ महत्वपूर्ण परीक्षण होइत अछि।
राज्यसभामे अपन बात रखैत नेता प्रतिपक्ष कहला जे राष्ट्रीय जनगणनाक काजमे पैघ संख्यामे लोक लगैत छथि। ई बहुत पैघ महत्वक काज होइत अछि। जनगणना केर माध्यमसँ काफ़ी महत्वपूर्ण आँकड़ा जुटायल जाइत अछि। एकर माध्यमसँ जनसंख्यामे, रोजगारक आँकड़ा, परिवारक स्थिति, सोशियो इकोनॉमिक कंडीशन सहित कतेको महत्वपूर्ण पैरामीटरक पड़ताल करबाक आवश्यकता होइत अछि। खड़गे कहलनि जे दोसर विश्व युद्धक दौरान सेहो जनगणना भेल छल।
एकर संगहि खड़गे कहलनि जे वर्ष 1971-72 मे भारत-पाकिस्तानक बीच भेल युद्धक बावजूद जनगणना भेल छल। नेता प्रतिपक्ष कहलनि जे ई बेहद दुखक बात अछि जे इतिहासमे पहिल बेर सरकार जनगणना करबाकमे रेकॉर्ड देरी कयने अछि। ओ कहलनि जे जँ अपने चाही तँ जनगणनाक संग जातिगत जनगणना सेहो संभव अछि।
मल्लिकार्जुन खड़गे कहला कि अहां एससी, एसटी केर डाटा एकत्र करैत छी, संगहि अन्य जातिक डाटा सेहो एकत्र कएल जा सकैत अछि। अपन बात रखैत खड़गे कहलनि जे जातिगत जनगणना आ जनगणनाक विषय पर ई सरकार मौन अछि।
