चालकक लापरवाही वा कुहासा अथवा मधुबनी जिला मुख्यालयक खराब सड़क पर बनल डिभाईडरक दोष, कारण जे किछु होइ, पटनासँ मधुबनी आइब रहल एकटा निजी परिवहन कंपनी केर बस मधुबनीक निधि चौक पर दुर्घंट्नाग्रस्त भऽ गेल। हादसा बुधदिन रात्रि डेढ़ बजे भेल जखनि पूरा शहर सुतल छल।
पटनासँ अएबाक क्रममे घटना मधुबनीक निधि चौक पर भेल। प्राप्त सूचनाक अनुसार बसमे ककरो गंभीर चोट नहिं लागल, मुदा बसक घटनास्थलक स्थिति देखि लगैत अछि जे सभ बाल-बाल बचलाह। बसक चालकक अनुसार कुहासाक कारण डिभाईडर नहिं नजरि आयल।
