सोमदिन बिहार मंत्रिमंडलक बैसारमे १४टा एजेण्डाकेँ मंजूरी देल गेल अछि। बिहारक इंजीनियरिंग छात्रकेँ दस हजार रुपयाक स्टाइपेंड भेटत। ई राशि इंटर्नशिप पर देल जायत। ई राशि बीटेकक सातम सेमेस्टरमे इंटर्नशिप करबाक लेल देल जायत। बिहार सरकार सोमदिन नीतीश कुमारक मंत्रिमंडलमे एकटा नव नीति अनलक अछि।
संगहि बिहार मंत्रिमंडलक बैसारमे ई निर्णय लेल गेल जे क्षेत्रीय विज्ञान, प्रौद्योगिकी आ तकनीकी शिक्षा कार्यालयमे ग्रुप डी आवेदन लेल कोनो शुल्क नहिं होयत। तीन लाख छियालीस हजार सात सय सतहत्तर आवेदकक एकर लाभ भेटत। संगहि कैबिनेट परीक्षा शुल्क माफी केर सेहो मंजूरी देलक अछि। बिहार मंत्रिमंडलमे एकटा पैघ निर्णय लेल गेल। दरअसल बिहार सरकार २१६५ पंचायत भवन बनायत।
संगहि बाढ़ि प्रभावित क्षेत्रमे १०८३ आ सामान्य क्षेत्रमे १०८२ भवनक निर्माण कयल जायत। कुल ६ हजार करोड़ १० लाख ३८ हजार ७०७ करोड़ रुपया खर्च होएत। संगहि एनआईटी पटनामे एकटा इन्क्यूबेशन सेंटर भवन बनाओल जायत। बी प्लस जी प्लस ४ मंजिला भवन बनत।
कुल 47.76 करोड़ टकाक लागतसँ ई भवन बनत। वित्तीय वर्ष २०२४- २५ मे स्वीकृत देल गेल अछि। पशु पालककेँ वेटनरी डॉक्टर हुनकर घर तक पहुंचि जानवरक स्वास्थ्य देखताह । सात निश्चय पार्ट २ केँ तहत बेहतर पशु स्वास्थ्य प्रबंधन पर कुल ६४ करोड़ ५० लाख टका खर्च होयत।
