राजद नेता तेजस्वी यादवक बयान पर प्रतिक्रिया दैत केंद्रीय मंत्री नित्यानंद राय कहलनि, “लालू यादवक तुलना कर्पूरी ठाकुरसँ करब बहुत दुर्भाग्यपूर्ण अछि।
राजद नेता तेजस्वी यादव रविदिन राजनीतिक विरोधीसभ पर कटाक्ष करैत कहलनि जे आरक्षण लागू करबा लेल कर्पूरी ठाकुरक आलोचना करनिहार सभ द्वारा आइ कर्पूरी ठाकुरकेँ भारत रत्नसँ सम्मानित कयल गेल। तेजस्वी यादव कहलनि कि ओहिना जे सभ आइ लालू प्रसाद यादव’क आलोचना कए रहल छथि। ओ भविष्यमे हुनका सम्मानित करत। तेजस्वी कहलनि कि जे सभ आइ लालू जी के गारि दऽ रहल छथिन्ह, ओ लोकसभ भविष्यमे हुनका भारत रत्न देताह।”
तेजस्वी यादवक एहि बयानक बाद भाजपा आ जदयू सहित पूरा एनडीए राजदक खिलाफ आक्रामक भऽ गेल अछि। जदयूक राष्ट्रीय प्रवक्ता राजीव रंजन तेजस्वी यादव’क बयान पर आश्चर्य व्यक्त करैत कहलनि, की दोषी व्यक्तिकेँ भारत रत्न भेटबाक उम्मीद करब हास्यास्पद नहिं अछि ? की कोनो कुख्यात घोटालाक आरोपीकेँ कहियो भारत रत्न भेटल अछि ?
तेजस्वी यादव द्वारा लालू प्रसाद यादवकेँ भारत रत्न देबाक माँगपर भाजपा सेहो कड़ा प्रतिक्रिया देलक। बिहार सरकारक मंत्री आ भाजपा नेता कृष्णानन्द पासवान कहलनि जे जँ तेजस्वी एकटा परिपक्व नेता होइतथि तँ ओ एहेन बयान नहि दैतथि आ हुनका लज्जित होयबाक चाही। लालू प्रसाद यादव दुनियाक सबसँ पैघ घोटालाबाज छथि। बिहारक खजाना लूटि लेल गेल। बिहारमे अपहरण एकटा उद्योग छल। एहेन घोटालाबाजक लेल भारत रत्नक माँग करब राजनीतिमे अपमानजनक अछि।
एम्हर भाजपा प्रदेश अध्यक्ष आ मंत्री दिलीप जायसवाल तेजस्वी यादवक बयान पर टिप्पणी करैत कहलनि जे किछु लोककेँ दिनमे सपना देखबाक आ बकवास बजबाक आदति छैक। भारत रत्न प्राप्त करब एकटा अलग गरिमा रखैत अछि, की कोनो दोषी व्यक्तिकेँ भारत रत्न भेट सकैत अछि ?
