प्रशांत किशोर कहलनि जे जनसूराज राजद जकाँ जनतासँ झूठा वादा नहि करैत अछि आ कहियो नहि करत। हम जनतासँ मात्र एहने वादा करब जे हम सय प्रतिशत पूरा करब। बिहारमे एहि साल विधानसभा चुनाव होबय जा रहल अछि आ ओहिसँ पहिने अलग-अलग दल अपन योजना बना रहल अछि। ओ सूचीबद्ध कऽ रहल छथि जे यदि ओ सत्तामे अबैत छथि तँ जनताक लेल की करताह। नेता प्रतिपक्ष तेजस्वी यादव सेहो कतेको घोषणा कयने छथि। २०० यूनिट मुफ्त बिजली देबाक संग ओ माई-बहिन मान योजना शुरू करबाक उल्लेख कयलनि। हुनकर दावा सफल होयत वा नहि, ई सत्तामे अयलाक बादे पता चलत, मुदा जन सूराजक प्रशांत किशोर मानैत छथि जे माई-बहिन मान योजना विफल होयबाक सम्भावना अछि। पीके एकर पाछूक कारण सेहो बतौलनि।
प्रशांत किशोर राजद पर पैघ हमला करैत कहलनि जे जन सुराज राजद जकाँ जनतासँ झूठ वादा नहि करैत अछि आ कहियो नहि करत। उदाहरण दैत ओ कहलनि जे हालहिमे राजद माई-बहिन मान योजनाक घोषणा केलक। एकर तहत हर महिलाकेँ 2500 रुपया प्रति माह देल जाएत। “बिहारमे छह करोड़ महिला छथि, जकर मतलब अछि जे जँ हर महिलाकेँ 2,500 रुपया प्रति माह देल जाय त हर साल लगभग डेढ़ लाख करोड़ रुपया खर्च होएत। जखनि बिहारक कुल बजट 2,40,000 करोड़ रुपया अछि, तखनि ई हर साल 1.5 लाख करोड़ रुपया कतएसँ देत ?
प्रशांत किशोर कहलनि जे राजद एहि वादाकेँ कहियो पूरा नहि करय जा रहल अछि। पीके आगू कहलनि जे जन सुराज आन दल जकाँ नहि अछि। सभ कहैत अछि जे हम किछु करब मुदा कियो किछु नहि करत। हम जनतासँ मात्र ओ वादा करब जकरा हम शत प्रतिशत पूरा करब। हम जे किछु वादा करब, पहिने ओकर गहन अध्ययन करब आ फेर जनताकेँ बतायब जे हम वादा केना पूरा करब।
