राजनीति

तेजस्वी कहलनि – नीतीश कुमारक स्थिति ‘बेचारावाला’, हुनका बाजय तक नहिं दैत अछि चेला-चपाटी

पटना
*

तेजस्वी यादव बिहारक मुख्यमंत्रीपर आरोप लगओलनि अछि। तेजस्वी यादव कहलनि जे मुख्यमंत्री नीतीश कुमारकेँ बाजय तकक अनुमति नहिं देल जा रहल अछि। आब हमरा बहुत दुख होइत अछि। हुनकर हालत खराब भए गेल अछि।

बिहारमे विपक्षक नेता तेजस्वी यादव राज्यमे कानून व्यवस्था आ बढ़ैत अपराध पर एक बेर फेर मुख्यमंत्री नीतीश कुमार पर निशाना साधलनि अछि। तेजस्वी यादव कहलनि अछि जे बिहारमे आइ स्थिति राक्षस राज्यवाला बनि गेल अछि। ओ मुख्यमंत्री पर बड़का आरोप लगौलनि अछि। तेजस्वी यादव कहलनि अछि जे नीतीश कुमारक आस-पास जे हुनक चेला-चपाटी अछि, ओ पैसा लऽ कए एसपी आ डीआईजी केर पोस्टिंग कए रहल अछि। घरमे घुसि कए लोकसभकेँ मारल जा रहल अछि। ई स्थिति एहेन एहि लेल अछि किएक तँ नीतीश कुमारक चारूकात जे चेला सभ अछि, ओ खुलेआम पाइ लऽ कऽ पोस्टिंग कए रहल अछि।

तेजस्वी यादव आरोप लगओलनि अछि जे डीजीपीक हाथमे किछु नहिं अछि। हुनकर सिफारिश होइत अछि जे जिलामे के आओत, कोन एसपी जायत, मुदा हुनकर पोस्टिंग नहिं होइत अछि। जे चढ़ावा दैत छथि तकर पोस्टिंग कएल जा रहल अछि। मुख्यमंत्री नीतीश कुमारकेँ बाजय तकक अनुमति नहिं देल जा रहल अछि। ओ कहलनि, आब हमरा बहुत दुख होइत अछि। हुनकर स्थिति बेचारा वाला भऽ गेल अछि आ हुनक हाथमे किछु नहिं अछि। ओ थाकि गेल छथि, ओ बेचारा भऽ गेल छथि।

तेजस्वी कहलनि, मुख्यमंत्री नीतीश कुमार आ हुनकर अधिकारी एक्कहि सड़क पर घूमैत छथि। रोज घूमैत छथि, एकर की मतलब अछि। अहूँ समझि लिअ। प्रशांत किशोरक ई बयान जे, आगामी विधानसभा चुनावमे राष्ट्रीय जनता दल तेसर स्थान पर आबि सकैत अछि, जवाब दैत तेजस्वी कहलनि जे एहिसँ कोनो फर्क नहिं पड़ैत अछि जे के की बजैत अछि। जनता तय करत जे कतेक संख्या पर के होयत, मुदा एखनि हमर ध्यान बिहारक लोकक दुख साझा करबा पर अछि आ बिहारक जनता एक दोसराकेँ देखि रहल अछि।

Spread the love

Leave a Reply

Your email address will not be published. Required fields are marked *