बिहार विधानसभा चुनावसँ पहिने एहि बातक अटकलबाजी तेज भऽ गेल अछि जे मुख्यमंत्री नीतीश कुमारक बेटा निशांत कुमार राजनीतिमे शामिल होयत कि नहि। एहि पर कतेको तरहक अटकलबाजी तेज भऽ गेल अछि। नेता प्रतिपक्ष तेजस्वी यादव कहलनि जे निशांत लेल राजनीतिमे प्रवेश स्वागत योग्य बात होयत। तेजस्वी यादव कहलनि, ‘निशांत हमर भाई छथि।’
तेजस्वी यादव कहलनि जे जँ ओ अबैत छथि तऽ निश्चित रूपसँ हुनकर स्वागत करब। ओ इहो उल्लेख कयलनि जे शरद यादव द्वारा स्थापित जनता दल यूनाइटेडमे आब आरएसएस आ भाजपाक लोक घुसपैठ कऽ रहल अछि। निशान्तक आगमनसँ पार्टी कमसँ कम संघ आ भाजपा द्वारा अपहरणसँ बचि जायत।
ओ कहलनि जे निशान्तकेँ निश्चित रूपसँ आबय केर चाही आ हम सभ हुनकर स्वागत करब।
ओ मुख्यमंत्रीक बेटा निशान्तकेँ सेहो सलाह दैत कहलनि जे हुनका प्रधानमंत्री नरेन्द्र मोदी, जीतन राम मांझी, आ चिराग पासवान सहित वर्तमानमे मुख्यमंत्रीक संग रहनिहार लोकक विषयमे जनबाक चाही। ओ बतौलनि जे चिराग पासवान एकटा प्रेस कॉन्फ्रेंस कयने छलाह जाहिमे कहल कहने छलाह जे मुख्यमंत्रीक दिमाग ख़राब भऽ गेल अछि। भारतीय जनता पार्टी एतेक धरि कहलक जे मुख्यमंत्रीक डीएनए त्रुटिपूर्ण अछि।
एहि दौरान तेजस्वी यादव एक बेर फेर मुख्यमंत्री नीतीश कुमार पर व्यक्तिगत हमला कयलनि। पत्रकारसभसँ पूछल गेल जे निशांत कहि रहल छथि जे हमर पिता पूर्णतः स्वस्थ छथि तखनि तेजस्वी यादव कहलनि जे जँ निशांत कहि रहल छथि जे हमर पिता स्वस्थ छथि तखनि हमर पिता लालू प्रसाद यादव सेहो पूर्णतः स्वस्थ छथि। हम निशांत केर शुभकामना दैत छी। हुनका जल्दिये अपन घर बसा लेबाक चाही, मुख्यमंत्री नीतीश आब पकरुआ मुख्यमंत्री बनि गेल छथि। ओ थाकि गेल छथि आ अधिकारी सभ हुनका हाईजैक कय लेने छथि।
ओतय तेजस्वी तुलना करैत कहलनि कि जे काज हमर पिता लालू प्रसाद यादव पहिने बिहारक लेल कयलनि से कियो नहिं कऽ सकैत अछि। ओ रेलवेमे 90,000 करोड़क लाभ अनलनि। ओ केंद्रसँ बिहारक लेल 165 करोड़क पैकेज सुरक्षित केलथि। ओ सामाजिक न्यायक लेल लड़लथि। ओ देशमे चारिटा रेलवे कारखाना खोललनि। ओ मंडल आयोग लागू कयलनि। लालू यादव जे काज कयलनि, दोसर कियो नहि कऽ सकैत अछि।
ओतए तेजस्वी यादव प्रधानमंत्रीक भागलपुर यात्राक सम्बन्धमे कहलनि जे घबराउ नहि, लोक एतय कूदि कऽ आबि रहल छथि आ अबैत रहताह। दिल्ली चुनाव खतम भए गेल अछि। हम कहने छलहुं जे आब सब कियो बिहार आबि जाएत। ओ सवाल कयलनि जे ओ किएक आबि रहल छथि। की ओ सभ बिहारकेँ विशेष राज्यक पैकेज देबाक लेल आबि रहल छथि ? की ओ सभ बिहारमे कारखाना लगेबाक लेल आबि रहल छथि ? की ओ सभ पलायन रोकबाक लेल आबि रहल छथि वा मुद्रास्फीति समाप्त करबाक लेल ? ई लोक अपन स्वार्थसँ बिहार आबि रहल छथि।
