तेजस्वी यादव जतय यादवसभसँ मुसलमान आ दलितसभकेँ सङ्ग लऽ जेबाक अपील कऽ रहल छथि, ओतहि ओ सामंती मानसिकता समाप्त करबाक बात सेहो कऽ रहल छथि। ए सँ जेड केर बात करय वाला तेजस्वीक ई पांच टा अपील बिहार चुनावसँ पहिने चर्चामे अछि।
“यादव भाइ, जँ अहाँ सरकारमे आबय चाहैत छी तखनि सामंतवादी नहि समाजवादी बनू।” राजदमे अधिकार भेटलाक बाद तेजस्वी यादव हर रैलीमे यादव समुदायसँ विशेष अपील कऽ रहल छथि। शुक्रदिन मधुबनीमे एकटा रैलीमे तेजस्वी यादव समुदायसँ खुलि कऽ पाँचटा अपील कयलनि।
एकटा चुनावी सालमे यादव सभकेँ तेजस्वीक ई पाँच टा अपील चर्चामे अछि। सवाल उठि रहल अछि जे की भेल अछि, जाहि कारण तेजस्वीक हर कार्यक्रममे यादव मतदाताक लेल निर्देश जारी करय पड़ैत अछि।
तेजस्वी यादव ई अपील कऽ रहल छथि :
समाजवादी बनू, सामंती नहि – मधुबनीक रैलीमे तेजस्वी यादव यादवसँ अपील करैत कहलनि जे अहां सभकेँ सामंती नहि, समाजवादी बनबाक चाही। किछु यादव सामन्तवादी बनबाक काज करैत छथि, जाहिसँ पूरा समुदायक बदनामी होइत अछि।
सबके संग लए चलू – तेजस्वी यादव समुदायसँ अपील करैत कहलनि जे हम चौधरी चरण सिंहक समर्थन कयलहुं। हम कर्पूरी ठाकुर आ जय प्रकाश नारायण देने छी। तऽ आब हम सभकेँ संग लए किएक नहिं चलैत छी ?
दलित-ईबीसी पर विशेष ध्यान देब – यादवसँ अपील करैत तेजस्वी यादव कहलनि जे दलित आ अति पिछड़ल समुदायक लोक पर विशेष ध्यान देबाक चाही। किछु लोक गलत करैत अछि, ओकरा अलग राखु।
मुसलमानक प्रति सहिष्णु रहू : तेजस्वी यादवसँ मुसलमानक बारेमे अपील सेहो कयलनि। कहलनि, पहिने जखनि सत्ता छल तऽ हमसभ अकलियतकेँ संग लऽ कऽ चलैत छलौंह, मुदा आब एना नहि कऽ रहल छी, एहेन स्थितिमे सत्ता कहियो नहि आबि सकैत अछि।
मात्र लालू यादव, अहाँक नेता – तेजस्वी कहलनि जे हम देखैत छी जे लोक आन छोट-छोट नेताक जालमे फँसि घूमि रहल अछि। मात्र लालू यादव अहाँ सभक नेता छथि। दोसर नेताक जालमे नहि पड़ू। अहाँसभ मात्र लालू जीक बात मानू।
