राजदक प्रमुख प्रवक्ता शक्ति यादव कहलनि जे तेजस्वी महागठबंधनक मुख्यमंत्री चेहरा छथि। ओ 2020 सँ सीएम फेस छथि। आब समन्वय समितिक अध्यक्ष बनि गेलाह।
बिहारमे महागठबंधनक सीएम फेसक लेल जे गतिरोध अछि, से इंडिया एलायंसक बैठक भेलाक बाद एहेन बुझा जा रहल छल जे खत्म भऽ जाएत, मुदा बात किछु बनल नहि आ चुनाव संबंधित तमाम जिम्मेदारी भेटलाक बादो तेजस्वीसँ संबंधित एकटा प्रश्न अधूरा रहि गेल। आब बिहारक राजनीतिक गलियारीमे एही पर चर्चा भ’ रहल अछि जे सीएम फेसक ऐलान मीटिंगक बाद कियैक नहि भेल? ताहिना आरजेडीक साफ कहब अछि जे तेजस्वी यादव तँ 2020 सँ सीएम फेस छथि।
तेजस्वी केर सीएम उम्मेदवारीकेँ लए फंसल पेंच पर आरजेडी केर मुख्य प्रवक्ता शक्ति यादव कहलनि जे तेजस्वी महागठबंधनक मुख्यमंत्री चेहरा छथि। समन्वय समितिक अध्यक्ष बनि गेलाह। चुनाव संबंधित निर्णय लेबाक लेल अधिकृत भऽ गेलाह। पहिने सेहो तेजस्वी 2020 मे मुख्यमंत्री चेहरा छलथि। सार्थक नतीजा आओत। लगातार नेतृत्व कऽ रहल छथि। सीएम उम्मेदवारी पर प्रश्न उठेनाइ ‘सूरज पूरबसँ उगैत अछि’, जेना प्रश्न उठेनाइ अछि।
नीतीश कुमारक तरफसँ चुनावी वर्षमे महिला वोटरकेँ साधबाक लेल शुरू कएल गेल महिला संवाद कार्यक्रम पर आरजेडी नेता कहलनि जे तेजस्वी कार्यकर्ता दर्शन सह संवाद यात्राक दौरान माई बहिन मान योजना केर ऐलान कएलनि। तेजस्वी ऐलान कएलनि जे जीविका दीदिकेँ 15 हजार रुपया सरकारी खातामे भेटत। एहि सभसँ घबराकऽ बिहार सरकार महिला संवाद कार्यक्रम शुरू कएने अछि।
प्रवक्ता शक्ति यादव कहलनि कि नीतीश कुमार अचेत छथि। कार्यक्रमक नाम पर अधिकारी हुनका जिलाक भ्रमण करौतनि। एकटा एहेन योजनाक नाम बताउ जे नीतीश सरकारक होय, जाहिसँ महिलाके लाभ भेल होय ?
एकटा सवालक जवाबमे आरजेडी नेता कहलनि जे बीजेपी-जेडीयू गठबंधन टूटत। संग चुनाव नहि लड़त। जेडीयूमे दू धड़ अछि। एकटा बीजेपीक समर्थक अछि, दोसर धड़ समाजवादी सामाजिक न्याय पृष्ठभूमिक अछि, ओ बीजेपीक संग चलय लेल तैयार नहि अछि। नीतीश ई बुझि रहल छथि।
