भारतक वास्तविक सकल घरेलू उत्पाद विकास दर वित्तीय वर्ष २०२४-२५क तेसर तिमाहीमे बढ़ि कऽ ६.२ प्रतिशत भऽ गेल अछि, जे पछिला तिमाहीमे ५.६ प्रतिशत (संशोधित अनुमान) सँ बेसी अछि। ई जानकारी सांख्यिकी मंत्रालय शुक्रदिन देलक। मंत्रालयक आंकड़ाक अनुसार, वित्तीय वर्ष २०२४-२५क तेसर तिमाहीमे नाममात्र सकल घरेलू उत्पाद विकास दर ९.९ प्रतिशत रहबाक अनुमान अछि। सरकार द्वारा जारी अनुमानक अनुसार, वित्तीय वर्ष २०२४-२५ मे भारतक वास्तविक सकल घरेलू उत्पाद वृद्धि ६.५ प्रतिशत रहबाक आशा अछि। एहि अवधिमे चालू वित्तीय वर्षक लेल नाममात्र सकल घरेलू उत्पाद विकास दर ९.९ प्रतिशत रहबाक अनुमान अछि।
एकर अतिरिक्त, सरकार वित्तीय वर्ष २०२४-२५ (जुलाई-सितंबर)क दोसर तिमाहीक लेल सकल घरेलू उत्पाद विकास दरक अनुमानकेँ संशोधित कऽ ५.६ प्रतिशत कऽ देलक अछि जे पहिने ५.४ प्रतिशत छल।
आंकड़ाक अनुसार, वित्तीय वर्ष २०२४-२५ मे वास्तविक जीवीए (सकल मूल्य वर्धित) ₹१७१.८० लाख करोड़ होयबाक अनुमान अछि, जखनि कि वित्तीय वर्ष २०२३-२४ मे ₹१६१.५१ लाख करोड़ छल। चालू वित्तीय वर्षक विकास दर ६.४ प्रतिशत रहबाक अनुमान अछि, जे पछिला वित्तीय वर्षमे ८.६ प्रतिशतसँ कम अछि।
एम्हर वित्तीय वर्ष २०२४-२५ लेल नाममात्र जीवीए ₹३००.१५ लाख करोड़ होयबाक अनुमान अछि, जखनि कि वित्तीय वर्ष २०२३-२४ मे ₹२७४.१३ लाख करोड़ छल। ई ९.५ प्रतिशतक वार्षिक वृद्धिकेँ दर्शाबैत अछि।
आंकड़ाक अनुसार, वित्तीय वर्ष २०२४-२५ मे वास्तविक जीवीए (सकल मूल्य वर्धित) ₹१७१.८० लाख करोड़ होयबाक अनुमान अछि, जखन कि वित्तीय वर्ष २०२३-२४ मे ₹१६१.५१ लाख करोड़ छल। चालू वित्तीय वर्षक विकास दर ६.४ प्रतिशत रहबाक अनुमान अछि, जे पछिला वित्तीय वर्षमे ८.६ प्रतिशतसँ कम अछि।
एम्हर वित्तीय वर्ष २०२४-२५ लेल नाममात्र जीवीए ₹३००.१५ लाख करोड़ होयबाक अनुमान अछि, जखन कि वित्तीय वर्ष २०२३-२४ मे ₹२७४.१३ लाख करोड़ छल। ई ९.५ प्रतिशतक वार्षिक वृद्धिकेँ दर्शाबैत अछि।
ताजा आंकड़ाक अनुसार, वित्तीय वर्ष २०२३-२४ लेल वास्तविक सकल घरेलू उत्पाद विकास दरक अनुमान बढ़ाकऽ ९.२ प्रतिशत कऽ देल गेल अछि, जे वित्तीय वर्ष २०२१-२२ केँ छोड़िकय पछिला १२ सालमे सबसँ तेज विकास दर अछि। एहि अवधिमे विनिर्माण क्षेत्रमे १२.३ प्रतिशत, निर्माण क्षेत्रमे १०.४ प्रतिशत, आ वित्तीय, अचल सम्पत्ति आ व्यावसायिक सेवा क्षेत्रमे १०.३ प्रतिशतक वृद्धि देखल गेल। एकर अतिरिक्त, वित्तीय वर्ष २०२४-२५ लेल निर्माण क्षेत्रमे ८.६ प्रतिशत, वित्तीय, अचल सम्पत्ति, आ व्यावसायिक सेवा क्षेत्रमे ७.२ प्रतिशत, आ व्यापार, होटल, परिवहन, संचार आ प्रसारण सेवा क्षेत्रमे ६.४ प्रतिशतक दरसँ वृद्धि होयबाक आशा अछि।
