भारतीय क्रिकेट टीम एक बेर फेर विदेशी सरजमीं पर जुझारूपन आ जुनूनक उदाहरण पेश कय ओवल टेस्टमे इंग्लैंडकेँ ६ रनसँ हराबैत पाँच मैचक टेस्ट सीरीजकेँ २-२ सँ बराबर कय लेलक। एहि यादगार जीतमे मोहम्मद सिराज आ प्रसिद्ध कृष्णाक घातक गेंदबाजीक अहम भूमिका छल। अंतिम दिन इंग्लैंड केर मात्र 35 रनक जरूरत छल आओर भारतकेँ 4 विकेटक जरूरत छल।
मैच केर शुरुआतमें क्रेग ओवरटन दू चौका मारैत इंग्लैंड केर उम्मीदकेँ बढ़ावा देलक, लेकिन ठीक अगिला गेंद पर सिराज जेमी स्मिथ आ ओकरा बाद ओवरटनकेँ आउट कय मैच केर दिशा मोड़ देलनि। सिराज एही पारीमे ५ विकेट आ मैचमे कुल ९ विकेट लेलनि।
टीम इंडिया लेल ई जीत खाली टेस्टक प्रतीक नै, बल्कि आत्मविश्वास आ वापसीक प्रतीक बनि गेल। शुभमन गिलक कप्तानमे खेलय वला भारतीय टीम सीरीजमे पिछड़लाक बाद मजबूतीसँ वापसी कयलक आ अंततः एकरा बराबरी पर खतम कय देलक।
मैचक उत्साह आखिरी ओवर धरि जारी रहल आ जखनि भारत इंग्लैंड केर आखिरी विकेट लेलक तँ ओवल मैदान पर भारतीय खिलाड़ी आ समर्थकक चेहरा पर जे जीतक चमक नजरि आबि रहल छल से अवर्णनीय।
ई जीत भारतक टेस्ट इतिहासमे विदेशी धरती पर भेटल सबसँ नजदीकी आ रोमांचक जीतमे सँ एक बनि गेल अछि, जाहिमे टीम अपन धरती पर इंग्लैंडकेँ धराशाई कय देलक।
