अपराध तनिष्क ज्वेलरी शॉप लूट आ लोजपा नेताक हत्याक आरोपी चुनमुन झा एनकाउंटरमे ढ़ेर March 23, 2025 Maithil Punarjagran Prakash अररिया * पूर्णिया आ आरामे तनिष्क शोरूम लूट कांडक फरार आरोपी चुनमुन झा पुलिस एनकाउंटरमे ढेर भ’ गेल अछि। एक दिन पूर्व पूर्णिया पुलिस अररिया जिलामे ओकर पैतृक घर पर कुर्की जब्तीट कारवाई कयने छल। एक अन्य अपराधी घायल अछि। ओतहि मुठभेड़मे नरपतगंज थानाध्यक्ष, एसटीएफ केर दुटा जवान समेत तीन पुलिसकर्मी घायल भेल अछि। ओतहि आर दू अपराधीकेँ सेहो गोली लगल अछि। पुलिस मुठभेड़मे ढेर भेल अपराधी चुनमुन झा 2021 मे पूर्णियाक लोजपा नेता अनिल ऊरांव हत्या कांडक आरोपी सेहो छल। चुनमुन झा बेल पर रहलाक बावजूद पूर्णिया तनिष्क शोरूम जेकाँ लूटक घटनाक अंजाम देलक। ओतहि चुनमुन झाक भाई सेहो तनिष्क शोरूम लूटक मामिलामे जेलमे बंद अछि। पुलिस आ अपराधीक बीच भेल एनकाउंटरमे पाँच पुलिसकर्मी सेहो घायल भेल छथि। घायल पुलिसकर्मीयाँ मे मो मुश्ताक, पुलिस निरीक्षक एसटीएफ कुमार विकास, थानाध्यक्ष नरपतगंज थाना, चालक नागेश (एसटीएफ), जेसी शहाबुद्दीन अंसारी (एसटीएफ), जेसी दीपक कुमार (एसटीएफ) शामिल छथि। सभ घायल पुलिस कर्मीकेँ ईलाज लेल अस्पताल पठाओल गेल अछि। अररिया एसपी अंजनी कुमार कहला जे कुख्यात अपराधी चुनमुन झा पूर्णिया आ आराक तनिष्क ज्वेलरी शॉप लूट काण्ड सहित पलासीमे पैक्स अध्यक्ष संतोष मंडल पर फायरिंग मामिलामे फरार चलि रहल छल। पुलिसकेँ सूचना मिलल जे चुनमुन झा नरपतगंज थाना क्षेत्रमे आबयवाला अछि। एकर बाद पुलिस द्वारा कुख्यात अपराधी चुनमुन झाक पीछा कएल गेल। पुलिसकेँ देखिते ओ पुलिस पर फायरिंग कएलक। जाहि पर पुलिस अपन बचावमे फायरिंग कएलक, जाहिमे चुनमुन झाकेँ गोली लागल। ओहि ठाम ओकर संग एकटा अपराधी आर छल जे मौकाकेँ फायदा उठबैत फरार भऽ गेल। पुलिसकेँ लंबा समयसँ ओकर तलाश छल। ओकरा खिलाफ कतेको जिलामे लूट, हत्या आ फिरौती केर मामिला दर्ज छल। एकरा अलाबे ओ पलासी प्रखंडक बरदबट्टा पंचायतक मुखिया केर भैसुर आ पैक्स अध्यक्ष संतोष मंडल पर सेहो गोली चलाबय केर आरोपी छल। एहि गोलीबारीमे पैक्स अध्यक्ष बाल-बाल बचि गेलाह। ओतहि पूर्णिया सहायक खजांची आ पलासी पुलिस ओकर मजलिसपुर स्थित घर पर कुर्की जब्ती करबाक कारवाई सेहो कयलथि। Spread the love
