टेस्ला आ स्पेसएक्स केर सीईओ एलन मस्क शनिकें कहलनि जे पीएम नरेंद्र मोदी संग बात करब हुनका लेल सम्मानजनक अछि आ ओ एहि सालक अंतमे भारत आबय केर बेसब्रीसँ प्रतीक्षा कऽ रहल छथि।
अरबपति बिज़नेसमैन आ पीएम मोदी एहिसँ पहिने कतेको मुद्दा पर चर्चा कएने छथि, जाहिमे टेक्नोलॉजी आ इनोवेशन केर क्षेत्रमे सहयोगक संभावना सभ सामिल अछि।
एलन मस्क अपन सोशल मीडिया प्लेटफॉर्म एक्स पर पोस्ट कएलनि, “पीएम मोदी संग बात करब सम्मानजनक अछि। हम एहि सालक अंतमे भारत आबय केर बेसब्रीसँ प्रतीक्षा कऽ रहल छी।”
पीएम मोदी टेस्ला केर सीईओ संग कतेको मुद्दा पर बातचीत कएलनि अछि।
पीएम मोदी एक्स पर एकटा पोस्टमे कहलनि, “एलन मस्क संग विभिन्न मुद्दासभ पर बात कएलहुँ अछि, जाहिमे एहि सालक शुरुआतमे वाशिंगटन डीसीमे हमर बैठक केर दौरान सामिल कएल गेल बिषय से हो शामिल अछि। हम टेक्नोलॉजी आ इनोवेशन केर क्षेत्रमे सहयोगक अपार संभावना सभ पर चर्चा कएल। एहि क्षेत्रसभमे भारत, अमेरिकाक संग अपन साझेदारीकेँ आगू बढेबाक लेल प्रतिबद्ध अछि।”
एहिसँ पहिने पीएम मोदी एहि साल फरवरीमे अमेरिकाक यात्राक दौरान वाशिंगटनमे मस्क संग भेंट कयने छलथि। बैठकक बाद पीएम मोदी एक्स पर लिखने छलथि, “वाशिंगटन डीसीमे एलन मस्क संग बैठक नीक रहल। हम सभ स्पेस, मोबिलिटी, टेक्नोलॉजी आ इनोवेशन जकाँ कतेको मुद्दा पर चर्चा कयलहुँ, जकरा लेल ओ बेसी उत्साही छथि। हम सुधार आ ‘मिनिमम गवर्नमेंट, मैक्सिमम गवर्नेंस’ केँ आगू बढ़ेबाक लेल भारतक प्रयास पर बात कयलहुँ।”
एकटा दोसर पोस्टमे, पीएम मोदी मस्कक बच्चासभ संग बिताओल किछु क्षणक झलकी सभ साझा कयलनि, जेकर कैप्शनमे ओ लिखलनि, “एलन मस्कक परिवार संग भेंट करब आ कतेको विषय पर बात करब सेहो एकटा खुशीक बात छल!”
पीएम मोदीक मस्क संग बातचीत एहेन समयमे भेल अछि, जखनि टेस्ला भारतीय बाजारमे प्रविष्ट होबय लेल तैयार अछि। ई घटनाक्रम भारत आ अमेरिकाक बीच द्विपक्षीय व्यापार समझौता लेल चलि रहल बातचीत केर पृष्ठभूमिमे सेहो भेल अछि।
