ताइवानक रक्षा मंत्रालय शनिदिन कहलक कि ताइवान सीमा केर आसपास चीन केर १७ सैन्य विमान आ ७ नौसैनिक जहाजक गतिविधि देखल गेल अछि। शनिदिन भोर ६ बजे (स्थानीय समय) धरि ई सब गतिविधि दर्ज कएल गेल ।
मंत्रालयक अनुसार चीन केर १७ सैन्य विमानमे सॅं ८ विमान ताइवान जलडमरूमध्य केर मध्य रेखा पार कय ताइवान केर दक्षिण-पश्चिमी वायु रक्षा क्षेत्रमे प्रवेश कय लेलक। चीनक एही सैन्य गतिविधिक जवाबमे ताइवान केर सशस्त्र सेना स्थिति पर नजरि रखलक आ जवाबी कार्यवाही करैत अपन विमान, नौसैनिक जहाज आ तटीय रक्षा प्रणालीकें सक्रिय कय देलक।
ताइवान केर रक्षा मंत्रालय सोशल मीडिया प्लेटफॉर्म एक्स पर एगो बयान जारी कय कहलक कि, “आई भोर ६ बजे धरि ताइवानक आसपास १७ पीएलए (चीनी सैन्य) सैन्य विमान आ ७ पीएलए नौसेना केर जहाज देखल गेल। एहीमे सॅं ८ विमान मध्य रेखा पार कय दक्षिण-पश्चिमी वायु रक्षा क्षेत्रमे प्रवेश कयलक। हम स्थिति पर नजरि रखलियै आ आवश्यक कार्यवाही कयल गेल।”
