मिथिला क्षेत्रीय बिहारक सुपौलक त्रिवेणीगंज थाना क्षेत्रक कर्णपट्टी कुशहा गाममे देर राति विवादके लs कs गोलीबारी आ बमबारीमे 32 वर्षीय अर्जुन यादव गंभीर रूपसँ घायल भs गेलाह। आरोपी देसी निर्मित बम फेंकि कs इलाकामे आतंक पसरलक अछि। घटनाक सूचना मिलैत देरी एसडीपीओ विपिन कुमार, एसएचओ रामसेवक रावत आ पुलिस बल अस्पताल पहुंचि गेलथि। एसडीपीओ कहलनि जे, “मामिलाक जांच शुरू भs गेल अछि। अपराधीकेँ गिरफ्तार करय लेल छापामारी चलि रहल अछि। घटनाक असली कारण जांच केर बाद साफ भs जायत।” पुलिस पीड़िता आ प्रत्यक्षदर्शीक बयान दर्ज कs सबूत जुटाबय लागल। पुलिस मामिलाक जांच शुरू कs अपराधीकेँ गिरफ्तार करय लेल छापामारी तेज कs देलक अछि।
त्रिवेणीगंज थाना क्षेत्रक कर्णपट्टी कुशहा वार्ड नंबर 13 मे आपसी विवादकेँ लs कs अर्जुन यादव (32) केर घर पर लाठी-डंडासँ लैस 15-20 हथियारबंद अपराधीक समूह हमला कयलक। हमलाक दौरान स्थानीय युवक अमित कुमार उर्फ बंटी अर्जुन पर गोली चला देलक, जे ओकर बामा कान्हा पर लागल। पीड़िताक अनुसार अपराधी तीनसँ चारि राउंड फायरिंग कयलक आ देसी बम फेंकलक जाहिसँ इलाकामे दहशत मचल अछि।
प्रत्यक्षदर्शी नंदकिशोर कुमार कहलनि जे, अमित कुमार उर्फ बंटी अपन 10-15 संगीक संग आबि अंधाधुंध गोलीबारी शुरू कs देलक। नंदकिशोरक अनुसार अर्जुनकेँ जे गोली लागल छल ओ वास्तवमे हुनके पर चलाओल गेल छल। हमलावर हुनकर घर पर देसी बम सेहो फेंकलक। घायल अर्जुन यादवकेँ परिवार द्वारा त्रिवेणीगंज अनुमंडल अस्पताल लs जायल गेल, जतय डॉक्टर उमेश कुमार मंडल कहलनि जे, अर्जुनके बामा कंधामे सात-आठ जगह गोली लागल अछि, जाहिकेँ कारण हुनक हालत गंभीर अछि। प्राथमिक चिकित्साक बाद हुनका रातिमे बेहतर इलाजक लेल रेफर कs देल गेल।
