दूटा छात्रकेँ गोली मारलाक बाद आक्रोशित गामक लोक हंगामा कयलनि आ शव राखि कोलकाता-बनारस राष्ट्रीय राजमार्ग अवरुद्ध कऽ देलनि। एहि अवधिमे आगजनीक घटना सेहो भेल।
बिहारक सासाराममे मैट्रिकक परीक्षाक दौरान हंगामा भेल छल। एहि विवादक कारण उपद्रवी परीक्षासँ लौटैत काल दूटा छात्रकेँ गोली मारि देलक। ओहिमेसँ एकटाक मृत्यु भऽ गेल, जखनि कि दोसर गम्भीर स्थितिमे अस्पतालमे भर्ती अछि आ ओकर इलाज चलि रहल अछि।
गोली मारलाक बाद आक्रोशित गामक लोक छात्रक शवक संग कोलकाता-वाराणसी राष्ट्रीय राजमार्गकेँ अवरुद्ध कऽ देलक। प्रदर्शनकारी आगजनी सेहो कयलक। एहिसँ कतेको किलोमीटर धरि भयंकर जाम लागल रहल। स्थानीय अधिकारी लोकनि द्वारा गामक लोकसभकेँ बुझयलाक बाद गामक लोक राष्ट्रीय राजमार्गक नाकाबन्दी समाप्त कऽ देलनि।
खबरि अछि जे गोलीबारीक बाद दुनू घायल छात्रकेँ अस्पताल लऽ जायल गेल। इलाजक क्रममे एकटा छात्रक मृत्यु भऽ गेल, जखनि कि दोसर छात्रक इलाज एखनो सासाराम सदर अस्पतालमे चलि रहल अछि।
आक्रोशित गामक लोक विरोध कऽ रहल छथि आ अपराधीसभक शीघ्र गिरफ्तारीक माँग कऽ रहल छथि। स्थितिकेँ नियंत्रित करबाक लेल पैघ संख्यामे पुलिस बल तैनात कयल गेल अछि। अपराधी तखनि छात्रसभ पर हमला कऽ देलक जखनि परीक्षासँ छात्र घुरि रहल छल। पुलिस एहि मामिलाक जाँच कऽ रहल अछि आ आरोपी तक पहुँचबाक प्रयास कऽ रहल अछि। एहि मामिलामे एकटा संदिग्धकेँ गिरफ्तार कयल गेल अछि। खबरि अछि जे एकटा छात्र परीक्षाक दौरान दोसर छात्रकेँ नकल करयमे मदति करबासँ मना कऽ देने छल। एहिसँ विवाद उत्पन्न भऽ गेल आ बदमाश सभ दूटा छात्रकेँ ओहि समय गोली मारि देलक जखनि ओ परीक्षासँ घुरि रहल छल।
बिहारमे मैट्रिकक परीक्षा 17 फरवरीसँ शुरू भेल अछि। परीक्षा २५ फरवरी तक आयोजित होएत। एहि परीक्षामे १५ लाखसँ बेसी छात्र भाग लऽ रहल अछि।
