नुक्कड़ नाटकक टीम १४ सितम्बरसँ २ अक्टूबर धरि चलयवला ‘स्वच्छता ही सेवा अभियान-२०२४’क विषयमे सेहो दर्शकसभकेँ जागरूक कयलक।
*
मधुबनी समदिया
*
जिलाधिकारीक निर्देशकेँ देखैत छओ सूचीबद्ध कलाजत्था जिलाक लोकसभकेँ सड़क दुर्घटना, सर्पदंश आ बिजलीक रोकथामक प्रति जागरूक कऽ रहल अछि। जिलाधिकारी अरविन्द कुमार वर्माक निर्देशक अनुसरणमे सूचना एवं जनसंपर्क विभागक सूचीबद्ध कलाजत्था टीम 11 सितम्बर कs भगवतीपुर सदाय टोल, नहास रुपौली, सिमरी मोची टोल, सलेमपुर, खजौली प्रखंड कार्यालय, अरेर दक्षिणी, भटचोरा, कैथिनिया लक्ष्मीपुर, डंगापुर राम टोल, महेन्द्रवर महादलित टोलमे सर्पदंश रोकथामसँ संबंधित नुक्कड़ नाटक प्रस्तुत कयलक।
उप निदेशक सूचना एवं जनसंपर्क परिमल कुमार बतौलनि जे आपदा निवारणक संग-संग नुक्कड़ टीम जिलाक जनताकेँ स्वच्छताक प्रति जागरूक सेहो करा रहल अछि। नुक्कड़ नाटकक टीम १४ सितम्बरसँ २ अक्टूबर धरि जिलामे ‘स्वच्छता ही सेवा अभियान’क प्रचार-प्रसार सेहो कयलक। नुक्कड़ टीम पर्यवेक्षक प्रशिक्षु डीपीआरओ अमन कुमार आकाशक उपस्थितिमे प्रस्तुतिक दौरान उपस्थित श्रोतासभकेँ स्वच्छता प्रतिज्ञा दियेलक। जिलाक अलग-अलग प्रखंडक दर्शक संकल्प लेलनि जे ओ सदैव स्वच्छताक प्रति जागरूक रहताह आ परिवेशकेँ साफ करबाक लेल समय देताह। स्वच्छताक संकल्प पूरा करबाक लेल हम सभ साल १०० घंटा अर्थात प्रत्येक सप्ताह २ घंटा समर्पित करब। नहिं तऽ अहां खुद गंदगी करब आ ने कोनो आनकेँ करए देब। जिलाक विभिन्न प्रखंडक दर्शक शपथ लेलनि जे ओ सभ स्वच्छ भारत मिशनक प्रचार करताह।
उल्लेखनीय अछि जे जिलाधिकारी अरविन्द कुमार वर्माक निर्देशक आलोकमे 14 सितम्बरसँ 2 अक्टूबर तक आयोजित ‘स्वच्छता ही सेवा अभियान’क तहत पूरा जिलामे विभिन्न कार्यक्रमक आयोजन कयल जायत।
