भारत सरकारक दूरसञ्चार विभाग (DoT) एलन मस्कक कंपनी Starlink केँ भारतमे सेटेलाइट संचार (SatComm) सेवासभ उपलब्ध कराबय लेल आधिकारिक लाइसेंस जारी कयलक अछि, यद्यपि एकर जानकारी एखनि पीटीआई सूत्रसँ प्राप्त जानकारी पर देलक अछि। सरकार अथवा स्टारलिंकक तरफसँ एखनि धरि कोनो आधिकारिक बयान नहि आयल अछि।
दूरसञ्चार विभागक सूत्र पुष्टि कयलक अछि कि स्टारलिंककेँ लाइसेंस भेटि गेल अछि आ कहलक अछि कि आवेदन करय केर 15-20 दिनक भीतर हुनका सभकेँ परीक्षण स्पेक्ट्रम प्रदान कय देल जएत।
Starlink केँ भारतमे ब्रॉडबैंड आ सेटेलाइट इंटरनेट सेवासभ शुरू करबाक हरियर झंडी भेटि गेल अछि। ई मंजूरी भारतक ग्रामीण आ दुर्गम क्षेत्रसभमे हाई-स्पीड इंटरनेट पहुँचाबयमे मदद कऽ सकैत अछि।
TRAI (भारतीय दूरसञ्चार नियामक प्राधिकरण) सेटेलाइट कम्पनीसभक लेल स्पेक्ट्रमक प्रशासनिक आवंटनक सिफारिश क’ चुकल अछि, मुदा DoT एहि सिफारिशसभकेँ एखनि धरि मंजूरी नहिं देने अछि। ट्राई इ सिफारिश कयलक अछि जे सैटकॉम कम्पनीसभसँ एजीआर (समायोजित सकल राजस्व)क ४% शुल्क लेल जाय। स्टारलिंक आब भारतमे अपन सेवा शुरू करबाक लेल स्पेक्ट्रम अनुमोदनक प्रतीक्षा कऽ रहल अछि। जँ ट्राईक सिफारिशकेँ मंजूरी भेटैत अछि तँ स्टारलिंक जल्दिये भारतमे अपन उपग्रह इंटरनेट सेवा शुरू कऽ सकैत अछि।
हालहिमे केन्द्रीय संचार मंत्री ज्योतिरादित्य सिंधिया कहने छलाह जे स्टारलिंक उपग्रह कनेक्टिविटी दूरसंचारक गुलदस्तामे एकटा आओर फूल जकाँ अछि। मोबाइल कनेक्टिविटीक सङ्ग-सङ्ग हमरा लग ऑप्टिकल फाइबर कनेक्टिविटी सेहो अछि, मुदा दूरस्थ क्षेत्रमे उपग्रह कनेक्टिविटी बहुत महत्वपूर्ण अछि जतय वायर्ड कनेक्शन आसानीसँ नहि पहुँचि सकैत अछि।”
ओ आगू कहलनि, “तेसर लाइसेंस आबयवला दिनमे जारी कएल जाएत। पहिल लाइसेंस वनवेबकेँ देल गेल छल, दोसर लाइसेंस रिलायंसकेँ देल गेल अछि आ तेसर लाइसेंस स्टारलिंककेँ देल जा रहल अछि। एकर बाद सरकार स्पेक्ट्रम उपलब्ध कराओत आ ई सेवा देशमे जल्दिये शुरू होएत।”
