काल्हि सोमकेँ भोरे-भोर दिल्ली-एनसीआरमे तेज भूकम्प आयल। भूकम्प एतेक तीव्र छल जे बेडसँ लऽ कऽ खिड़की धरि सब किछु हिलय लागल। दिल्ली-एनसीआरमे सोमदिन भोरमे कतेको सालमे महसूस कयल गेल ई सबसँ शक्तिशाली भूकम्प छल। भूकंपक कारण जमीन कतेको सेकण्ड धरि हिलैत रहल। गहींर नींदमे सुतल लोक सेहो भयभीत भऽ गेलाह आ अपन घरसँ बाहर निकलय लगलाह।
समाचार सम्प्रेषण तक एहि भूकम्पसँ कोनो क्षतिक सूचना नहि भेटल अछि। दिल्ली, नोएडा, गाजियाबाद आ गुरुग्राम सहित विभिन्न क्षेत्रमे भूकम्पक झटका महसूस कयल गेल। दिल्ली-एनसीआरमे भूकम्प भोरे लगभग ५:३० बजे आयल। जमीन कतेको सेकण्ड धरि हिलैत रहल।
राष्ट्रीय भूकम्प विज्ञान केन्द्रक अनुसार, एकर केन्द्र धौला कुआं झील पार्क क्षेत्रमे छल। एकर उत्पत्ति पृथ्वीक सतहसँ मात्र ५ किमी नीचा भेल छल। सतहसँ पाँच या दस किलोमीटर नीचा उत्पन्न होबयवला उथला भूकम्प सतहसँ गहींर नीचा उत्पन्न होबयवला भूकम्पक तुलनामे बेसी क्षति पहुँचाबैत अछि।
एहि भूकम्पक तीव्रता रिक्टर पैमाना पर ४.३ नापल गेल अछि। एहि भूकम्पक केन्द्र दिल्ली-एनसीआर क्षेत्रमे छल। दिल्ली-एनसीआरक मैदान भूकम्पक केन्द्र बनल बहुत दिन भऽ गेल अछि। एकर गहराई ५ किलोमीटर छल। भूकम्प एतेक तेज छल जे लोकसभकेँ झटका महसूस भेल। एहन लागल जेना पृथ्वीक भीतर किछु पैघ हलचल भऽ रहल अछि। घरक दीवार आ खिड़की हिलए लागल। एहि भूकम्पसँ कोनो क्षतिक सूचना नहि अछि।
जनतब देब जे दिल्ली भूकंपक प्रति संवेदनशील अछि आ देशक भूकंपीय सक्रिय क्षेत्रक क्षेत्र चारि मे सूचीबद्ध अछि जे दूसरी सबसे ऊँची श्रेणी अछि।
