आगामी विधानसभा चुनावसँ पहिने बिहारक छह नेताक सुरक्षा बढ़ा देल गेल अछि। उपमुख्यमन्त्री सम्राट चौधरीकेँ जेड प्लस सुरक्षा प्रदान कएल गेल अछि तँ तेजस्वी यादवकेँ जेड श्रेणीक सुरक्षा प्रदान कएल गेल अछि।
पप्पू यादव, प्रदीप कुमार, ज्ञानेन्द्रकेँ वाई प्लस सुरक्षा देल गेल अछि, जखनिकि नीरज कुमारकेँ वाई श्रेणीक सुरक्षा देल गेल अछि।
दरअसल, विधानसभा चुनावसँ पहिने बिहारमे बढ़ैत राजनीतिक गतिविधि आ जनसभामे भीड़केँ देखैत नेताक सुरक्षा बढ़ेबाक फैसला लेल गेल अछि। बिहार सरकारक गृह विभाग सुरक्षाक संबंधमे पुलिस निदेशककेँ आदेश जारी कयलक अछि।
जनतब देब जे जेड+ श्रेणी केर सुरक्षा भारतमे एसपीजी केर बाद ई सुरक्षाक उच्चतम स्तर अछि | एहिमे 55 जवान शामिल रहैत छथि, जाहिमे एनएसजीक 10 सँ बेसी कमांडो आ पुलिस कर्मी शामिल रहैत छथि। खास बात ई जे एहिमे तीन पालीमे बुलेटप्रूफ वाहन आ एस्कॉर्ट अछि।
जेड श्रेणीकें सुरक्षा उच्च जोखिम वला व्यक्तिक लेल अछि जे गंभीर जोखिममे रहैत छथि। एहिमे 22 जवान शामिल रहैत अछि, जाहिमे 4-6 एनएसजी कमांडो वा सीआरपीएफक जवान आ शेष पुलिस कर्मी शामिल रहैत छथि। एहिमे 4-5 टा पर्सनल सिक्योरिटी ऑफिसर रहैत छथि, जे तीन पालीमे काज करैत छथि।
वाई+ श्रेणीक सुरक्षा मध्यम जोखिम वला व्यक्तिक लेल अछि। एहीमे ११ सैनिक रहैत अछि, जाहिमे २-४ कमांडो आ पुलिस कर्मी शामिल रहैत अछि। एहिमे 2 टा पर्सनल सिक्योरिटी ऑफिसर रहैत अछि। खास बात ई अछि कि एहिमे २-३ गाड़ीक काफिला रहैत अछि, जकरामे बुलेटप्रूफ गाड़ी सेहो शामिल रहैत छैक।
वाई कैटेगरी सुरक्षा हल्का जोखिम वला व्यक्तिक लेल अछि। एहीमे ८ सैनिक रहैत अछि, जाहिमे १-२ कमांडो आ बाकी पुलिसकर्मी रहैत अछि। एहिमे 2 टा पर्सनल सिक्योरिटी ऑफिसर शामिल रहैत अछि। एहिमे बुलेटप्रूफ वाहन शामिल नहि रहैत अछि।
