टाटा समूह आ सिंगापुर एयरलाइन्सक संयुक्त उद्यम विस्ताराकेँ एयर इंडियामे मिला देल जा रहल अछि। एकरा लेल सिंगापुर एयरलाइन्सकेँ भारत सरकारसँ प्रत्यक्ष विदेशी निवेश (एफडीआई)क स्वीकृति भेटल अछि। सरकारसँ स्वीकृति भेटलाक बाद सिंगापुर एयरलाइन्स विलय समझौताक अन्तर्गत एयर इंडियामे २५.१ प्रतिशत हिस्सेदारी अधिग्रहण करत।
एयरलाइन सिंगापुर शुक्रदिन एकटा नियामक फाइलिंगमे कहलक जे प्रस्तावित विलय केर हिस्साक रूपमे ओकरा एयर इंडियामे प्रत्यक्ष विदेशी निवेशक लेल भारत सरकारसँ स्वीकृति भेटल अछि। कम्पनीक अनुसार, एहि अनुमोदनसँ विलय समझौता एहि सालक अन्त धरि पूरा होयबाक आशा अछि। एहि सौदासँ दुनियाक सबसँ पैघ एयरलाइन समूहमे सँ एकक गठन होयबाक आशा अछि।
एम्हर देशक तेसर सबसँ पैघ एयरलाइन विस्तारा एकटा वक्तव्यमे कहलक जे ओ ११ नवंबर, २०२४ केँ अपन ब्रांडक अन्तर्गत अपन अन्तिम उड़ान परिचालित करत। ई एहि लेल, किएक तँ सिंगापुर स्थित एयरलाइनक एयर इंडियाक संग विलयकेँ अंतिम रूप देल गेल अछि। एयर इंडिया १२ नवंबर, २०२४ सँ विस्ताराक सभटा उड़ान संचालित करत। एकर टिकटक बुकिंग सेहो एयर इंडियाक वेबसाइटसँ कयल जायत।
टाटाक नेतृत्ववला एयर इंडियाक प्रमुख कैम्पबेल विल्सन एकटा वक्तव्यमे कहलनि, “नियामक अनुमोदनक बाद विस्ताराक विमान आ केबिन क्रू १२ नवम्बरकेँ एयर इंडियामे शामिल होयत।
