कर्नाटकक मुख्यमंत्री सिद्धारमैया स्पष्ट कयलनि अछि जे जद(एस) सांसद आ हासनसँ लोकसभा उम्मीदवार प्रज्वल रेवन्नासँ जुड़ल कथित यौन काण्डक जाञ्चमे उपमुख्यमंत्री डीके शिवकुमार वा हुनक कोनो हाथ नहिं अछि।
पूर्व मुख्यमंत्री एचडी कुमारस्वामी आरोप लगओने छलाह जे एसआईटी पीड़ितसभकेँ वेश्यावृत्तिक मामिलामे फंसेबाक धमकी दऽ शिकायत दर्ज करबा लेल बाध्य करबाक प्रयास कऽ रहल अछि। ओ राज्यपालसँ भेंट कऽ सीबीआई जाञ्चक माँग सेहो कयने छलाह।
राष्ट्रीय महिला आयोग (एनसीडब्ल्यू) बृहस्पतिकेँ कहलक जे एहि मामिलाक एकटा शिकायतकर्ता दावा कयलक जे किछु लोक हुनका उत्पीड़नक धमकी दऽ झूठ शिकायत दर्ज करबा लेल मजबूर कयने छलथि।”
शुक्रदिन मैसूरमे संवाददाता सभसँ बातचीत करैत मुख्यमंत्री सिद्धारमैया कहलनि, “हमसभ अपन पुलिसपर भरोसा करैत छी। एसआईटीकेँ कानूनी जांच करय दिअ आ अपन रिपोर्ट प्रस्तुत करय दिअ।”
