श्री नारायण सेवा संस्थानक तत्वावधानमे पूरब बाजार वार्ड नम्बर ३१ मे पिछला नौ दिनसँ चलि रहल श्री भागवत कथा मूर्ति विसर्जनक संग समाप्त भेल। एहि भागवत कथाक आयोजनमे सब भक्त कथा केर पूर्ण उत्साह, उमंग आ जिज्ञासाक संग श्रवण कय आनंद लेलनि। भागवत कथाकारक रूपमे कथावाचकक काज वृंदावन धामसँ आयल आचार्य श्री दिलीप कृष्ण भारद्वाजजी द्वारा कयल गेल। कथा-कथनक दौरान सब दिन नृत्यक माध्यमसँ श्री कृष्णक आकर्षक लीला झांकी सेहो प्रस्तुत कयल गेल। जाहिमे हजारो भक्तक सहभागिता रहल। श्रीमद् भागवत कथा समापनक बाद भंडाराक आयोजन सेहो कयल गेल। जाहिमे हजारों लोक भाग लेलनि। एहि कथाकेँ पूरा भेलाक बाद नारायण सेवा संस्थानक सदस्य सागर कुमार नन्हे कहलनि जे, कतेको सालसँ चलि रहल एहि कथा केर अमृतसँ आसपासक हजारो लोक केर लाभ भऽ रहल अछि।हजारों लोक नारायण सेवा संस्थानसँ सेहो जुड़ि रहल छथि।ओ कहलनि जे, नारायण सेवा संस्थान धर्मक स्थापनाक लेल हर साल एहि कथाक आयोजन करैत रहत। नारायण सेवा संस्थानसँ जुड़ल परिवार आब नारायण सेवा संस्थानक परिवारक सदस्य रूपमे एहि कथा केर माध्यमसँ सदिखन जुड़ल रहत। अंतमे सब गोटेकेँ धन्यवाद दैत कहलनि जे एहि आयोजनक प्रत्यक्ष आ परोक्ष रूपसँ सहयोग करय वाला सब गोटेकेँ हृदयसँ आभार अछि। निस्संदेह सबहक निष्ठा, प्रेम, सहयोग आ समर्पणक परिणाम अछि जे एतेक पैघ कार्यक्रम सफल भ’ सकल। श्रीमद् भागवत कथा ज्ञान यज्ञकेँ सफल बनेबाक मुख्य जिम्मेदारी मुकेश कुमार सिंह, प्रशांत सिंह राजू, समीर कुमार मिठू, अनंत झा रोशन, कन्हैया सिंह, विनीत सिंह, अंकित आनंद, राजकुमार सिंह, अंशु सिंह, गुलशन सिन्हा, मोनू महाकाल, रविश सिंह, विनय मिश्र, गोलू सिंह, आशुतोष रजक, रौनक सिंह, राज सिंह चम्पू, अभिषेक गुप्ता, इंसान सोनू, मनीष छोटू, शिवम वर्मा, मनीष कुमार, शिवम तिवारी, विक्की चौधरी, रवि सिंह, ऋषव झा, विवेक झा, टिंकू सिंह, मुन्ना मल्लिकक सराहनीय योगदान रहल।
