थरथरैत ठंढा बिहारक लोककेँ परेशान करत, आईएमडी बरखाक बारेमे सेहो जारी कयलक अलर्ट

पटना
*

आब बिहारमे थरथराबयवाला ठंढा लोककेँ परेशान करय जा रहल अछि। मौसम विभाग कतेको जिलामे बरखाक चेतावनी जारी कयलक अछि, जाहिसँ तापमानमे कमी आओत।

दिसम्बरक मास शुरू भऽ गेल अछि, मुदा एखनो बिहारमे ठंढाक स्थिति सामान्यसँ कम देखल जा रहल अछि, जखनि कि मौसम विभाग दावा केने छल जे एहि बेर ठंढा होयत। मुदा, आरम्भमे एहेन किछु नहि देखाइत अछि। नवीनतम पूर्वानुमानक अनुसार, एकसँ दू दिनमे ठंढामे उल्लेखनीय वृद्धि होयत आ अगिला तीन दिनक बाद काँपबाक सम्भावना छैक।

बृहस्पति भोरसँ पश्चिमी हवाक प्रवाहमे वृद्धि भेल अछि, जाहिसँ बेसी ठंढाक प्रभाव धीरे-धीरे देखबामे आबि रहल अछि। 8 आ 9 दिसम्बर केँ राजधानी पटना सहित राज्यक दक्षिणी भागक जिलामे बरखा होयबाक संभावना अछि, जाहि कारणेँ जाड़ आओर बढ़ि जायत।

मौसम विज्ञान केन्द्र पटनाक अनुसार, एकटा ताजा पश्चिमी विक्षोभ ७ दिसंबरकेँ पश्चिमी हिमालय क्षेत्रकेँ प्रभावित करबाक सम्भावना अछि। ८ दिसम्बरकेँ ई उत्तर-पश्चिम भारतकेँ प्रभावित करत। एहि कारणेँ बृहस्पति सँ ७ दिसम्बर धरि पश्चिमी हवाक प्रवाहक संग दिनक तापमानमे २ सँ ३ डिग्रीक गिरावट रहत, जखन कि ८ दिसम्बरसँ दक्षिण बिहारक पटना, नालंदा, नवादा, शेखपुरा, बेगूसराय, लखीसराय, गया, जहानाबाद, बक्सर, अरबल भोजपुर, औरंगाबाद आ रोहतासक १४ जिलामे हल्लुक बूंदाबांदी या बरखा आ गरज-चमकक संग बादल छायल रहबाक चेतावनी अछि। एहिसँ दिनक तापमानमे सेहो ४ सँ ५ डिग्रीक गिरावट आबि जायत।

एकर अतिरिक्त ९ दिसम्बरकेँ दक्षिण बिहारक भागलपुर, जमुई, मुंगेर, खगड़िया आ बांका सहित सभ १९ जिलामे सेहो बूंदाबांदी बरखाक संग तापमानमे गिरावट देखल जायत। मिथिला क्षेत्रीय बिहारमे कोनो चेतावनी नहि छल, यद्यपि बुधदिन तापमान पछिला एक सप्ताह जकाँ सामान्य छल। डेहरीमे सबसँ कम न्यूनतम तापमान १० डिग्री सेल्सियस दर्ज कयल गेल।

राज्यमे औसत अधिकतम तापमान २७.३ डिग्री सेल्सियस आ औसत न्यूनतम तापमान १३.०२ डिग्री सेल्सियस छल। किछु प्रमुख शहरमे न्यूनतम तापमान एहि प्रकारसँ रहल -:
पटनामे 15.6, गयामे 13.5, भागलपुरमे 13.7, पूर्णियामे 14.1, मुजफ्फरपुरमे 15.6, दरभंगामे 13 डिग्री, मोतिहारीमे 12 डिग्री सेल्सियस रहल।