सितम्बर मासक फेसबुकक मिथिला-मैथिली समूहक प्राप्त जानकारीक आधार पर रैंकिंग

प्रथम पाँचमे पुनः – क्रमशः पहिल ‘हम सभ मैथिल छी’, दोसर पर ‘मैथिल ब्राह्मण’, तेसर ‘मिथिलांचल दरभंगा मैथिल छी’, चारिम पर ‘मैथिली गीत संगीत’ आ पाँचम पर ‘मिथिलाक दलान’ स्थान बनेने अछि।

ऑनलाइन समदिया

सोसल मीडिया पर जहिना व्यक्तिगत फालोवर्स केर महत्व अछि तहिना सोसल साइट्सक समूहक सदस्य संख्या महत्व राखैत अछि। जेना फेसबुकक समूह सभमे कोनो समूहक जँ 1k सदस्य संख्या अछि तऽ तकर अर्थ ई भेल जे एक हजार लोकक ओ समूह अछि, तहिना 5k माने ५ हजार, 10k माने दस हजार, 100k माने एक सय हजार अर्थात एक लाख लोक ओहि एकटा समूहक सदस्य छथि। पाँच सय- छः सय k वाला समूह सभमे तऽ पाँच लाख छः लाख सदस्यक संख्या रहैत अछि। कहबाक तात्पर्य जे अहाँक संदेश इकट्ठा ओतेक लोक धरि पहुँचि सकैत अछि, अहाँक बात इकट्ठा ओतेक लोक धरि जा सकैत अछि, तऽ ई कम भारी बात नहिं आ ई सांगठनिक स्वरुप बहुत रास जनहितक काजक लेल सेहो उपयोगी सिद्ध होइत छैक। तऽ एहि लेल निश्चित रूपसँ समूहकर्ता सभ अभिनंदनीय छथि जे अपन प्रयाससँ एकठाम कतेको रास लोककेँ समेटने रहैत छथि। एकठाम एक हजार लोक सेहो कम नहिं होइत छैक, अधिकक तऽ बाते की।

तऽ एहि बातकेँ बुझैत ‘मैथिल पुनर्जागरण प्रकाश’ (राष्ट्रीय मैथिली दैनिक) जुलाई २०२५ सँ समूह सभक उपलब्धि बताबय एवं अभिनन्दन प्रदान करय केर उद्येश्यसँ ‘फेसबुक रैंकिंग’ प्रतिमास जारी करैत आबि रहल अछि, ताहीक्रममे प्रस्तुत अछि सितम्बर मासक रैंकिंग।

सितम्बर मासक फेसबुकक समूहक प्राप्त जानकारीक आधार पर रैंकिंग प्रस्तुत अछि।

फेसबुक पर मिथिला-मैथिलीक अनेकानेक समूह अछि। प्राप्त जानकारीक अनुसार क्रमशः २० टा लीडींग समूहक सूची प्रेषित कयल जाइत अछि।

ध्यान देब जे मैपुप्र समदियाकेँ अपन श्रोतसँ जे जानकारी इकट्ठा भेल ताहि केर आधार पर ई २० टा समूहक सदस्यगणक संख्याक आधार पर क्रमशः सूची तैयार कयल गेल अछि। संभव अछि जे कतेको समूह छुटल होएत, तऽ प्राप्त जानकारीक आधार पर तकरा यथास्थान जोड़ि देल जाएत।

एखनि प्राप्त जानकारीक अनुसार पुनः प्रथम स्थान पर समूह ‘हम सभ मैथिल छी’ प्रथम स्थान पर बनल अछि जकर सदस्य संख्या बढ़िकेँ ६१८k भऽ गेल अछि, एहि समूहक मुख्य संचालक सुनित कुमार ठाकुर छथि।

दोसर स्थान पर ‘मैथिल ब्राह्मण’ अछि जे मैथिली संसार नामसँ संचालित अछि आ सदस्य संख्या बढ़िकेँ ३९८.६k भऽ गेल अछि।

तेसर स्थान पर मिथिलांचल दरभंगा ‘मैथिल छी’ अपन एही नामसँ संचालित अछि आ सदस्य संख्या बढ़िकेँ २०१k पर पहुँचि गेल अछि।

चारिम स्थान पर ‘मैथिली गीत संगीत’ अछि जे डाॅली झा द्वारा मुख्य रुपसँ संचालित अछि, सदस्य संख्या बढ़िकेँ १८०k पर पहुँचि गेल अछि।

पाँचम स्थान पर ‘मिथिलाक दलान’ अछि जे मुख्य रुपसँ साजन झा बेहटा द्वारा संचालित अछि, एकर सदस्य संख्या १४१k अछि।

आर आगुक समूह सभक सदस्य संख्या बढ़ल अछि जे आगू देल जा रहल अछि। जनतब जे Karn Kayastha Mahasabha समूहक जानकारी मोबाइलक भरिसक किछु टेक्निकल कारणसँ उपलब्ध नहिं भऽ सकल अछि एहि बेर आ तहिना ‘अप्पन गाम’ समूह आगा १९ अक्टूबर धरि बन्द रहय केर सूचना अछि।

एहि तरहें क्रमशः २०म स्थान धरिक सूची प्रस्तुत अछि -:

०१) हम सभ मैथिल छी : ६१८k ( संचालन : सुनित कुमार ठाकुर)
०२) मैथिल ब्राह्मण : ३९८.६k (संचालन : मैथिली संसार)
०३) मिथिलांचल दरभंगा ‘मैथिल छी’ : २०१k
०४) मैथिली गीत संगीत : १८०k (संचालन : डाॅली झा)
०५) मिथिलाक दलान : १४१k (संचालन : साजन झा बेहटा)
०६) बताह मैथिल : ७४k
०७) मिथिला-तिरहुत देश : ५२k
०८) हम सभ मिथिलाक छी : ४७k
०९) अश्लील मुक्त मिथिला : १७k
१०) मिथिला विकास संगठन : १५.२k (संचालन : त्रिपुरारी मिश्र)
११) हम मैथिल छी मिथिलावासी : १०.१k
१२) Videha www.videha.co.in : ९.८k (संचालन : गजेन्द्र ठाकुर)
१३) अपन गाँव घनश्यामपुर अपन मिथिला धाम : ९.३k
१४) मिथिलाक्षर साक्षरता अभियान : ८.१k
१५) आदर्श ग्राम रसीदपुर : ६.५k
१६) हम मैथिल छी : ५.९k (संचालन : वाचस्पति ठाकुर सुजित)
१७) Greater Mithila Association : ४.७k
१८) देसिल बयना मुखपोथी : ४.६k
१९) सुच्चा मैथिल : २.६k
२०) हम सब मिथिलावादी : २.२k