घटना दरभंगामे सनसनीखेज मामिला, तेजाब पिया कऽ मारलक, पुलिसक जाँच जारी Maithil Punarjagran Prakash April 13, 2024 0 Comments दरभंगा समदिया * मिथिला क्षेत्रीय बिहारक दरभंगासँ एकटा दर्दनाक समाचार अछि जतय एकटा युवककेँ तेजाब पियाकए हत्याक सनसनीखेज मामला सामने आयल अछि। परिवारक आरोप पर दरभंगा एसपी सेहो तेजाब पीकए भेल मृत्युक खण्डन नहिं कयलनि अछि। युवकक शव बगीचामे तेजाबसँ जरल भेटल। कहल जा रहल अछि जे ई युवक सोना आ किरानाक कारोबार करैत छल। दरभंगा जिलाक कमतौल थाना क्षेत्रक कनौर गाम लग शुक्रदिन एकटा बागसँ युवकक जरल शव बरामद कयल गेल। युवककेँ पहिचान थाना क्षेत्रक कनौर गामक निवासी किशोरी शाहक पुत्र ललित साह (35) केँ रूप मे भेल। सदरसँ कमतौलक एसडीपीओ ज्योति कुमारी घटनास्थल पर पहुँचि जाँच कयलनि आ पुलिसकेँ आवश्यक निर्देश देलनि। ओतहि कमतौल पुलिस शव केर जब्त कए पोस्टमार्टमक लेल भेजि देलक अछि। मृतकक परिवारक सदस्यक आरोप अछि जे युवकक हत्या तेजाब पिया कऽ कयल गेल अछि। मृतकक पैघ भाय पवन साह बतौलनि जे ललितक मृत्युक समाचार गामक लोकसँ भेटल। जखन हम ओतय गेलहुं तखन देखलहुँ जे शरीर तेजाबसँ जरल छल आ लगमे तेजाबक एकटा खाली बोतल फेकल छल। ललित सोना आ किरानाक कारोबारमे शामिल छलथि। ओ साँझ चारि बजे घरसँ निकलैत छलाह आ राति दस-एगारह बजे घुरि अबैत छलाह। हम सभ खाइलहुं आ सुतलहुं जे ओ आबि जाएत। भोरमे सूचना भेटल जे हुनकर शव पड़ल अछि। एकर बाद पुलिसकेँ सूचना देल गेल आ पुलिस ओतय पहुँचि गेल। एहि संबंधमे सिटी एसपी शुभम आर्य कहलनि जे परिवारक आरोपक जांच कयल जा रहल अछि। जे व्यक्ति आरोपी अछि ओकर सेहो जाँच कएल जाएत। एफएसएल टीम आ तकनीकी जांच चलि रहल अछि। संगहि, पोस्टमार्टम सेहो चलि रहल अछि आ ओकर बाद हम निष्कर्ष पर पहुँचि सकब। शरीरक स्थिति देखैत बुझाइत अछि जे तेजाबक प्रयोग कयल गेल अछि, मुदा जाँचक बादे हम कोनो निष्कर्ष पर पहुँचि सकैत छी। Spread the love