ई मामिला वर्ष 2022 मे भारत जोडो यात्राक दौरान भारतीय सेनाक बारेमे देल गेल कथित अपमानजनक बयानसॅं जुड़ल अछि। मंगलदिन कोर्टमे आत्मसमर्पण कयला केर बाद राहुल गांधी केर वकील जमानत याचिका दायर कयलक, जकरा कोर्ट स्वीकार कय लेलक। कोर्ट राहुल गांधीकेँ 20-20 हजार रुपयाक दूटा जमानत जमा करबाक आदेशक संग जमानत देलक।
राहुल गांधी पर आरोप अछि कि ओ 2022 मे भारत जोडो यात्राक दौरान भारतीय सेना केर बारेमे ऐहन बयान देलनि जकरा मानहानि आ आपत्तिजनक कहल गेल छल। एहि बयान केर खिलाफ शिकायत दर्ज कराओल गेल, जकर बाद कोर्ट राहुल गांधीकॆं आरोपीक रूपमे बजौलक। याचिकाकर्ता कहलनि जे, राहुल गांधीक बयान सेनाक प्रतिष्ठाकेँ नुकसान पहुंचाबयवला अछि आओर एकर नकारात्मक प्रभाव देशक सैनिकक मनोबल पर पड़ि सकैत अछि।
कोर्ट द्वारा बजाओल गेलाक बाद मंगलदिन राहुल गांधी व्यक्तिगत रूपसँ लखनऊ कोर्टमे हाजिर भेलाह आ औपचारिक रूपसँ आत्मसमर्पण कय देलनि। एकर बाद हुनकर वकील कोर्टमे जमानत याचिका दायर कयलनि, जकरा कोर्ट मंजूरी दऽ देलक। जमानतक शर्तक अनुसार कोर्ट राहुल गांधीकें 20-20 हजार रुपयाक दूटा जमानत जमा करबाक आदेश देलक, जकर बाद हुनका रिहा कय देल गेल।
मानहानिक शिकायत बॉर्डर रोड्स ऑर्गनाइजेशनक पूर्व निदेशक उदय शंकर श्रीवास्तव कयलनि। कोर्ट इहो स्वीकार कयने छल जे कांग्रेस सांसदक ई टिप्पणी सेनाक मनोबल केर नुकसान पहुंचाबयवला अछि।
