आइ देशभरिमे भीमराव अंबेडकर जयंती मनाओल जायत। चुनावी प्रदेश बिहारमे एक दिन पहिनेसँ जेडीयू आ बीजेपी कार्यक्रमक आयोजन शुरू कयने अछि।
14 अप्रैलकेँ देशभरिमे संविधान निर्माता डॉ. भीमराव अंबेडकरक जयंती मनाओल जायत। बिहारमे चुनावी वर्षक कारण सभ राजनीतिक पार्टी सभ भव्य तरीकासँ अंबेडकर जयंती केर आयोजन कयने अछि। मुख्यमंत्री नीतीश कुमारक पार्टी जनता दल यूनाइटेड काल्हि 13 अप्रैलकेँ भीमराव अंबेडकरक जयंती केर उपलक्ष्य में समारोह कयलक।
जदयूक तरफसँ पटनाक बापू सभागारमे भीम संवाद कार्यक्रमक आयोजन कयल गेल छल। एहि कार्यक्रमकेँ सफल बनेबाक लेल मंत्री अशोक चौधरी आ एमएलसी संजय सिंह, जे सीएम नीतीशक बहुत करीबी मानल जायत छथि, ओ अपन पूरा ताकत झोंकने छलथि आ हुनका तहिना सफलता सेहो भेंटल। कार्यक्रमक दौरान बापू सभागार पूरा खचाखच भरल छल। एतबे नहि, कार्यक्रम स्थलक बाहर सेहो बहुत संख्यामे लोक सीएम नीतीश कुमारक एक झलक पयबाक लेल व्याकुल देखाई देलक।
भीड़केँ देखि मुख्यमंत्री नीतीश कुमार बहुत गदगद भऽ गेलाह आ अशोक चौधरीकेँ अपन अंग वस्त्र पहिरा देलनि।
जनतब जे बिहारमे अनुसूचित जाति आ अनुसूचित जनजातिकेँ लगभग 20% जनसंख्या अछि। एहेनमे दलित वोटकेँ साधबाक लेल मुख्यमंत्री पहिने सेहो बहुत तरहक योजना अनने छथि। आब 2025 केर चुनावमे जँ हुनका अनुसूचित जाति, जनजातिक वोटर सभक संग भेटैत अछि तऽ 2010 वाला स्थिति बनि सकैत अछि। 2010 केर चुनावमे सेहो दलित वोट पूरा तरह लालू प्रसाद यादवसँ टर्नअप भऽ गेल रहय आ नीतीश कुमारकेँ बड़का सफलता हाथ लगल रहय।
ओतहि डॉ. भीमराव अंबेडकरक जयंती कार्यक्रममे अपन संबोधन केर दौरान सीएम नीतीश कुमार कहलनि की बाबा साहेब संविधानक रचना कएलन्हि, ई कोनो मामूली बात नै। हम हुनकर घर गेल रही। हम बाबा साहेब अंबेडकर’क विचार सभकेँ आगू बढ़ेबाक काज करैत छी। जननायक कर्पूरी ठाकुर, बाबा साहेब, राम मनोहर लोहिया, जय प्रकाश नारायण, गांधी ई पाँच गोटेक नामक हम अपन बैनर पोस्टर पर स्थान दैत छी।
