बीजापुर जिलाक राष्ट्रिय पार्क क्षेत्रमे सुरक्षाबल आओर नक्सली सभक बीच मुठभेड़मे एक करोड़क इनामी माओवादी सीसी सदस्य नरसिम्हाचलम उर्फ गौतम उर्फ सुधारककेँ सुरक्षाबल मारि गिरेलक अछि। जनकारीक अनुसार, नरसिम्हाचलम मूल रूपसँ आंध्रप्रदेशक चिंतापालुदीक निवासी छल। ओ नक्सल संगठनमे शिक्षा विभागक काज देखैत छल।
इन्द्रावती राष्ट्रीय पार्क क्षेत्रमे नक्सली सभक के पैघ कैडरक मौजूदगीक पुख्ता सूचना पर सुरक्षाबलक संयुक्त टोलीकेँ अभियान पर रवाना कयल गेल छल। अभियानक दौरान बृहस्पतिक भोरसँ सुरक्षाबल आओर नक्सली सभक बीच भीषण मुठभेड़ शुरू भऽ गेल। दुनू तरफसँ होइत मुठभेड़मे जवान द्वारा एकटा नक्सलीकेँ मारि गिरेबाक आओर ऑटोमेटिक हथियार बरामद करबाक समाचार भेटि रहल अछि। समाचार लिखय तक मुठभेड़ जारी छल।
बीजापुरमे बृहस्पतिकेँ भोरेसँ मुठभेड़ जारी छल। मौकासँ एकटा ऑटोमेटिक हथियार बरामद कयल गेल अछि। मुठभेड़मे मारल गेल माओवादी केर संख्या बढ़बाक संभावना सेहो जताएल जा रहल अछि। डीआरजी, कोबरा आ एसटीएफ केर जवान लगातार नक्सलवादक खिलाफ सर्चिंग ऑपरेशन कऽ माओवादी सभक खात्मा कऽ रहल अछि। दुनू तरफसँ रुकि-रुकि कऽ फायरिंग जारी छल।
